نفساني - عرض مشاركة واحدة

23-08-2021, 01:55 PM

اقتباس:

المشاركة الأصلية كتبت بواسطة ظل امرأة

رح احكي عن حالي شوي بالصفحة
الي تقريبا ١١ سنة بالموقع يعني عقد من الزمن واكتر
دخلت نفساني بالصدفة وانا ابحث عن استفسارت ومواضيع نفسية ل غاية ما..
يعني مو لأني مريضة..
وشاء القدر تعلقت بالكل وحبيت الموقع والأعضاء
وحبيت أشارك الكل بكل شيء والحمدلله
وانا كنت مبسوطة جدا..
وتعلقت في الجميع ومع مرور الزمن لقيت حالي لحالي
ومحاولات في السؤال عنكم هنا وهناك كانت فاشلة
ولا حياة لمن تنادي....
يعني هل من المنطق هاد الغياب للجميع !!؟
لكل يللي تعلقت فيهم ولكل يللي حبيتهم..
يعني قاصدين معقول بعد هالمحبة والألفة اللي جمعتنا!!
علما انه منقدر كل الظروف للجميع لأبعد مدى
ومع المراعاة الكاملة وبكل المقاييس للجميع..
ولكن مع الأسف...
ما حدا عنده مراعاة لهالعبدة الفقيرة اللي كانت موجودة بالموقع كرمالكم وما زالت..
ما بحمل حدا جميلة لا سمح الله
او اني بمن ع حدا..لا.. وانتوا بتعرفوني...
انا من كل قلبي معكم بكامل ارادتي وبكل حب
بس اني عم احكي وافضفض..تراكمات بداخلي
من باب عشرة العمر اللي بيننا
بعتقد بيطلعلي..وحقي😔
ما حدا يقول ظروف..اللي بحب بيخلق وقت لو بعد حين...
علما.. انه في أمثال كتيرة بتقول
اللي باعك بيعو
ولا تعاتب حدا.. بتعمللو قيمة
واللي يغيب عمدا نسيانه واجب.. ...والخ
تجاهلت كل شيء...وقلت معلش بحاول...
وانا صدقا كتير بفكر اغيب واستقيل عن الموقع..
بس بفكر الف مرة وبعطي حالي فرصة وبغيب ايام
بجرب حالي فيهم..بس برجع تلقائيا..وبتأمل يكون في حدا
وانامستعدة ضل موجودة كرمال شخص واحد..بكون سعيدة وماعندي مانع..المهم عندي هالشخص يكون مبسوط
انا ما بحب العتاب والله..بس على قد ما حبيتكم بعاتب
وانا كتبت هالموضوع بدي افتح صفحة جديدة مع الكل
و وعد شرف مني..اللي كتبته هون ما رح يتكرر
يعني لا بدي اعاتب ولا بدي أحاسب حدا اذا رجعتوا الموقع..
وهاد أمر إداري رح يمشي عالكل..
لا مشرف ولا عضو يحاسب حدا..
يعني اذا مستثقلين الرجعة عليكم الأمان..👍✋
و اذا حاسين بذنب الغياب..يسقط عنكم هالعبء
وشو بدكم تسهيلات اكتر من هيك
والعرض مستمر ومفتوح...
مشتاقة الكم والله العظيم
مو بس انا والمشرفين والأعضاء الموجودين
اكيد بحكي بإسمهم كمان لأنهم نفس الشعور
يتكلموا ومقهورين لغيابكم..ومشتاقين لكم
والدنيا حياة من موت
اذا في ذرة محبة منكم الي وللموقع
تعالو نبدأ من جديد وصفحة جديدة بيضا
وكأنه شيئا لم يكن..
كأنه ما حدا غاب...
وكأنوا كنا مع بعض مبارح...
ومطرح ما تركنا منكمل..
واذا ما بدكم تفوتوا..
الله يسامحكم دنيا وآخرة
وما رح اندم عالموضوع ابدا
ومارح أقول خذلتوني.. بعيد الشر😌
بالعكس انا بفتخر اني حبيتكم من قلبي
وافتخر اني عرفت امثالكم
وافتخر اني بسأل عنكم
وافتخر اني بدور عليكم
وافتخر اني بناديكم...
عملت اللي عليا
والباقي عليكم..
حقكم مني اخدتوه..وحقي عليكم لا تهدروه..
وانا برأت ذمتي والحمدلله..ما تخليت عن حدا
وتستمر الحياة...
اللهم اني بلغت أحبتي على ما يجول بقلبي
اللهم اشهد..وانت خير الشاهدين🙂
اختكم في الله ياسمين❤

السلام عليكم...
اولا. حمدا لله على السلامة عليك وعلى الجميع. وان شاء الله يكون الجميع بكل الخير ودوام الصحه.
ثانيا. بكل صدق احييك من كل قلبي على هذا الاهتمام باخوانك واخواتك هنا بالمنتدى وكيفية السؤال عنهم و الطلب منهم بأن يرجعوا إلى أجواء هذا التجمع الرائع.
قد تكون المبررات لدى البعض عفوية وبعضها إجبارية وبعضها تغير ظروف و و و وكثيرة هي المبررات. الشافية منها و الواهية. وكلها تجتمع ليكون هناك فعلا غياب.
فيما يخصني انا / بسبب بعض الإشكالات التي حصلت و التي أسأل الله تعالى ان لاتعود ولاتتكرر. ولكن هذا السبب ثقي بأنه لم يكن مانع من تتبع أخبار المنتدى و أعضاء المنتدى من بعيد لبعيد ومن فتره لفترة. وايضا لذلك أسباب. منها تشعب و ازدحام مواقع التواصل الاجتماعي الكثيرة. ومنها أيضا كثرة مشاكل الحياة وصعوبتها.. ومنها أن استخدام الجوال عوضا عن الحاسوب..
انا مقتنع وحسب كلامك بأن الذي يريد يسأل يصل ولاتمنعه كل هذه التبريرات ولكن الذي حصل حصل.
وطالما ماكو عتاب وحساب على مشكلة الغياب..
فها انا البي الدعوة بكل حب واعتزاز وتقدير. واعود إليكم من جديد..
و أكرر التحايا لك و لقلبك الطيب والأبيض.
ولكل الإدارة من مدير ومشرفين و أعضاء

مستكفّة ,رعشني حضورك ,ظل امرأة معجبون بهذا