نفساني - عرض مشاركة واحدة

04-01-2018, 02:39 AM

وقبل شهرين بالتمام شكيت من الم بالظهر وضعف عام في الجسم وبحثت بقوقل وطلع اعراض اانزلاق غضروفي وتعايشت معاه على انه (انزلاق غضروفي ) وطبعاا """ لاني شلت شي ثقيل وعورني مره""""

طبعا كل الدكاتره اللي اروح لهم اقول لهم اني شلت ثقيل عورني ظهري واحس بضعف في الجسم .

1)ورحت دكتور عظام كشفت اشعه سنيه يقول ممكن خشونه .
#حولني لدكتور علاج طبيعي قال ممكن من العضلات سويت جلستين وتعبت وتركته .

وجلست اسبوع ابحث بديت احس بوخز في الظهر وبحثت في النت وتطلع لي امراض العالم كلها امراض اعصاب مخيفه ماراح اكتبها لانها بجد مخيفه ونفس اعراضي وقريت عن مرض معين ماله علاج نهائيا ونهايته العمى والشلل الله يبعدها عنها ويمتعنا بالصحه والعافيه ياااارب .

جاتني نوباتااات هلع متكرررره كل ليله تجيني المعتاده بزياده رجفه وخفقان قوي وحراره بالجسم كانها حرق تحت الجلد ودوخه وزغلله بالعيون وغثيان وخز بالجسم كله وتنميل وغصه بالحلق صعوبه في البلع وعدم تقبل الاكل نهائيا وشحوب واصفرار في الوجه واسهال اكرمكم الله.

تفكيري مسلط على هذا المرض بس ابحث عنه وعن اعراضه وكل شي احس فيه قلت هو خلاص وصابني حاله احس الحياه انتهت ومستقبل انتهى حتى اختباراتي بس امشي حالي فيها بس ابكي وضيقه وشعور اني في حلم وبصحى منه وتانيب ضمير على كل شي سويته بحياتي .

3)رحت طواري وقلت لهم شلت ثقيل وعورني ظهري وسوو لي اشعه سنيه عمود فقري كامل وقلت انا احس بوخز وتنمل وحراره بجسمي كله حتى وجهي انا يمكن معي المرض الفلاني وكشفت على عيوني ورجولي وقالت انتي مره قلقانه روحي تحاليل مغنيسوم وباء 12 ودال وغده ودم رحت التحاليل وكلها سليمه الا الدال15 .

4)رحت استشاري مخ واعصاب وقلت وفحصني فحص سريري قلت له شلت ثقيل وحسيت بالم ووو وخز وتنمل وحراره وسالته اذا هذا المرض معي او لا وانا قريت انها اعراضه وقال مو شرط قلت بسوي اشعه رنين يمكن نلاقي شي قال مو شرط اذا سوينا اشعة الرنين وحصلنا هالشيء يعني هذا المرض ونعطيك على اساس اانه معاك خطاء مره وعطيته تحاليلي قال كلي دال كل اسبوع علبه.
#وحولني لدكتور عظام سويت رنين مغناطيسي بدون صبغة للظهر وقال سليمه يمكن التهاب بسيط واعطاني ادوية اعصاب .

5)ورحت اخصائية جهاز عصبي وسوت لي من غير كشف قالت انا بقولك مافيك اي شي انتي بس متوتره قلت لها سوي لي اشعه اما رنين ولا مقطعيه . وقال طيب اسري لك مقطعيه وقالت مافيك شي انتي مره متوتره وقلقه وهذي اعراض القلق . وشافت تحاليلي قالت تمام خذي دال بس .

مرات احس بشد بالراس ودوخه وشعور اني بحلم وانزعج من الاصوات وعيوني تعورني وصداع وااحلاااااام لاتنتهي وبس اطالع في جسمي ووجهي واحس وجهي مايل ويدي ورجولي راح تلف ورجولي احس بالم باصابعي واحسها بتلف .
طبعا غير نغزات القلب وضيق النفس والرجفه اللي قلل اصحى من النوم احسها وتصحيني من النوم وهزه بالجسم وكهربه غريبه رص الاسنان لدرجة احس بالم في الفك ومرات احس اني انسى انا مين وهذول مين .

معقوله هذي اعراض قلق ولا اعراض مرض انا مدري عنه

احس اني مو على بعضي احس اني مريضه بمرض ما شافوه الدكاتره واقول باقي لي تخطيط اعصاب وباقي لي اشعة رنين بالصبغه اكيد برتاح لمى اسويها المشكله اهلي يقولون مافيك شي .

أبو عبادي معجب بهذا