أنا بدأت معاناتي من الرهاب من عمر 12 سنة،
عمري الآن قرب على 39 سنة، بس الحمدالله في فرق كبير بين زمان والآن

الرهاب الاجتماعي مش محتاج أدوية خالص، الرهاب محتاج مواجهة
ومحتاج إنك تقتنع إن مخاوفك وقلقك كلها مجرد أفكار في راسك إنت فقط لا غير، والناس مش مهتمة بحاجة ولا واخدة بالها من حاجة أصلًا.

حاول تشترك في كورس مثلًا، أتعلم شي جديد، وأتعرف على ناس جديدة، ومش لازم تشارك بس إلتزم بالحضور.. ح تفرق جدًا
أخرج زيارات خفيفة أو مشاوير ويكون معاك حد ترتاح في التعامل معاه وفاهم حالتك كويس، مرة بمرة الدنيا ح تبقى أسهل

لما تهاجمك الأفكار السلبية، وقفها تمامًا، وأتكلم بصوت مسموع، وقول للأفكار دي إنها مش حقيقة، وأسأل نفسك، يا وحيد إنت كويس؟ ح تلاقي التوتر بدأ يهدى شوية

طبعًا أنا عارفة إن كل إللي قولته ده إنت سمعته مليون مرة، وعارفة إن التنفيذ أبدًا مش سهل، بس صدقني، مع الإصرار، والإستمرار، ح تخف الصعوبات وتصير الأمور أحسن
أنا بتكلم معاك بثقة لأن أنا مجربة، وفاهمة جدًا إللي إنت فيه