مريوما

بيانات اضافيه [ + ]

رقم العضوية : 34217  تاريخ التسجيل :  05 2011  أخر زيارة : 27-09-2012 (06:18 PM)  المشاركات : 91 [ + ]  التقييم :  10

لوني المفضل : Cadetblue

انا كنت انطوائيه بالبيت يعني يجونا ضيوف ما اقابلهم

لكن بالمدرسه شئ ثاني حتى اخواتي لما احيانا" يجوا المدرسه ينصدموا

كان لي شعبيه بالمدرسة وشخصيتي مميزة لدرجة اني كنت استمتع اذا خلتني الأبلة اقرا تعبيري قدام الفصل

بجد كنت احس بمتعه اني اقرا والكل يسمعني واجلس ازعج الأبله لين تقومني اقرا

سبحان مغير الأحوال _

كان هذا حالي بالمدرسه لين نقلت بثالث ثانوي لمدرسة ثانيه

كنت ما اعرف احد وبدت تجيني اعراض الرهاب

لما تقومني احاول قد ما اقدر تكون اجابتي مختصره

بحصة التعبير غالبا" اغيب ومره اصرت الأبلة اني اقوم اقرا

وقفت وساكته وهي تقول يلا ابدأي وانا ساكته

قالتلي شفيك ؟ تعبانه ؟

قلتلها ايوه قالت طيب خلاص اجلسي

وبالفسحة نزلتلها وقلتلها ممكن ماتقوميني اقرا أبدا"

>>> شين وقوة عين _

لأني بصراحة تعبت من التهرب والغياب واجلس اشيل هم من قبلها

وقلتلها عشاني جديده استحي من البنات ومن هالكلام

المهم مرت السنه حمدلله ولو كنت اعرف وقتها علاج كان استخدمته بدون ما افكر

لأنها كانت من اصعب اصعب سنين حياتي

اعراض غريبه كنت حتى لما اضحك احس عضلات وجهي مدري كيف حركات لااراديه مااقدر اضحك زين

ورجفة بيدي ورجلي وهزة في الراس

كانت هزة الراس اكثر شي مؤلم لأني ما اقدر اخفيه

ومن بعدها لازمني الرهاب لين الحين متخرجة من الجامعه

بالجامعه حمدلله كنت مشيه اموري لأن اغلبها بس احضر محاضرات واطلع

يمكن بالتربيه العملي واجهت صعوووووبه وكنت بترك الجامعه

بس ربي سخرلي مشرفتي الله يسعدها ياااارب دنيا وآخره

اعطتني رقم تليفونها وجوالها وكانت قبل ماتجي تكلمني تقولي انا في السكه

ربي يسعدها والله ما انساها من دعائي وودي اتجمل معاها بأي شئ بس خساره سافرت مصر :(

المهم ان الرهاب الحين حمدلله خف شوي بس مازالت رقصة الراس هذي متعبتني

ورجفة اليد خاصة لما اصب قهوه نفسييييي اصب قهوه للمجلس كله وانا واثقه ومبتسمه

اصلا" قلت لو بتزوج ماراح ادخل فنجان قهوه بيتي بقوله يا أنا يا هو _

نفسي اتعالج من الرهاب مو بس عشان اتكلم مع الناس نفسي امسك المايك واتكلم قدام ملايين الناس

للحين مااستخدمت اي دوا غير الاندرال وهذا له قصه ثانيه بختصرها عشان احس اني مصختها بقوووه

مره صحيت من النوم وقلبي يضرب ضربات فظيعه كأنه خلاص بيطلع من مكانه

كنت قبلها مواصله ومااكلت اكثر من 20 ساعه المهم توقعت انه خلاص اعراض الموت

رحت المستشفى وانا اكره المستشفيات وقال الدكتور النبضات زايده بس يمكن اجهاد

والحمدلله التخطيط والاشعه سليمه وكتبلي الاندرال عند اللزوم

يعني اذا رجعت الحاله اخذه بس ما اخذته لأني خلاص عرفت سببها

وبعدين افتكرت اني قرات اسم الدوا هنا ورجعت سويت بحث ولقيت الدكتور رعد كاتبه لواحد ياخذه عند اللزوم

يعني لوفيه مناسبه ولا شي ياخذه قبلها بساعتين

وقلت بما انه مو على طول ان شاء الله ماراح يضر واخذته يمكن مرتين

كنت حاسه باسترخاء وقلبي ماله صوت لدرجة اني كم مره حطيت يدي على قلبي

خايفه يكون متوقف وانا مدري >>> لحد يسألني كيف تجي _

وبصراحه حسيته نعمه تستحق الشكر يارب لك الحمد والشكر

بس برضو اخاف منه وما اخذه الا نادرا"

وآسفة عالإطآآآآآآآله بس حبيت اترجم مشاعري يمكن احد حاسسها فنسلي بعض _

وان شاء الله اكون افدتك بشئ اخوي صدى الريح