باستل

بيانات اضافيه [ + ]

رقم العضوية : 44434  تاريخ التسجيل :  08 2013  أخر زيارة : 22-09-2016 (09:37 AM)  المشاركات : 38 [ + ]  التقييم :  10  الدولهـ  الجنس ~

لوني المفضل : Hotpink

كيف أتعامل مع اختي المتكبرة ؟!

السلام عليكم



موضوعي طووويل لكن مهم جدا بالنسبة لي واريد التخلص من هذه المشكلة لإنني مللت من تصرفات اختي

كيف طريقة التعامل مع المتكبرين , خاصة اذا كانوا قريبين لنا .. في مثل حالتي اختي الكبيرة

في الثلاثينات متزوجه وعندها 5 أطفال

تعشق المدح بشكل مبالغ جداً , تسوي الشيء عشان المدح

انا ماقلت هذا الكلام مجرد احساس فقط , لا صارت مواقف كثيرة تبين هذا الشيء , تستحقر الناس كثيييييير حتى لو انهم افضل منها , وبالغالب هم افضل منها ايضاً !

لما كنت في سن المراهقة كانت تخليني ادف عربتها في السوق وتأشر بإصبع واحد وتمشيني معها كاني مرافق , طبعاً يتأخر الوقت وأنا ماتسوقت

ولما نروح لمكان طبعا انا كنت صغيرة ابي العب وامشي واركض .. لكن معها بس تشرب كفي وتلف عيونها يمين ويسار وتسمع ايش يقولون الناس عنها !

لكن الآن كبرت و صارت شخصيتي اقوى ,

انا رح اذكر معظم المواقف او الأفكار عشان تكون شخصيتها باينة لكم وتساعدوني في حل مشكلتها !

مزاحها دائما يوحي بالتعالي .. مثلاً تقولي بمزح ( كل واحد و مستواه )

مره اكلت قبلنا تقول ( يله كلو من فضلتنا ) ! دايما مزحها بهالطريقة

المشكلة لو انها تقوله بجد أقدر ارد .. لكن بإسلوب المزح وش اقول !!!

اذا احد منا مدج جمال وحدة او فنانة قالت ايه تشبه عيوني , تشبة ساقي .. تشبة ..ألخ !! اذا مدحنا شيء لااازم تحط هالشيء فيها !!!!!!!!!!

بصراحه هذا السلوك ينرفز انك تسمع احد يمدح نفسه طول الوقت !!

هي تفكر بإحضار خادمة " سوداء " سواق " اسود" طبعا هي وزوجها و اهل زوجها مكتبرين جداً

وعندهم نفس الفكرة يحضرون سواق " اسود " عايشين في زمن الجاهلية !

هم تجار ماشاء الله , يسكنون في قصر وحي راقي وجديد والله يبارك لهم ويرزقهم يارب

لكن قبل هذا كانوا في حي جدا بسيط وكانوا جيراننا . واحنا مازلنا في هذا الحي "العادي جداً "! والحمدللة رب العالمين :)

قبل كانوا متكبرين لكن بعد مانقلوا زادوا ,

وصاروا يستحقرون الحي اللي احنا ساكنين فيه , ويوم تزوجوا اربع من بناتهم سكنوا حولنا "شيء البلية مايضحك " سبحان الله ! :)

مع انه عادي وفيه تجار ساكنين فيه وبانين قصور !!!! اقصد ليس لدرجة الإزدرا من هذا المكان !!!!!

نرجع لإختي هداها الله ,

دائما تنقد الشيء ثم تسوي مثله , ماتنقل الكلام زي ماهو تزيد و تنقص حواراااااات !! حرفياَ " تكذب " !!

تمدح نفسها كثييييير بشكل ممل !!!!! وعيالها و زوجها !!!!

زوجها الله يهدية يوصي عيالة " يبصقون " على اخوي او اي احد في المجلس ! ويضحك

او يشغل موسيقى ويأمرة بالرقص , ثم صلاة !!

"الحمدللة الذي عافانا مما ابتلاه " ذكرت هذا الموقف فقط للتوضيح شخصياتهم رغم المدح المبااااالغ فيه لزوجها وابنائها

و أحد اطفالها يسب و يلعن , ماخلا احد مالعنة ( ثاني إبتدائي) , حتى والدي رحمة الله واسكنة فسيح جناتة , وصلة الشتم

وحتى الذات الإلهية !! مشكلة كبيرة اكبر من كونهم متبكرين لكن اذا الوالدين يقابلون هذا بالضحك !!!!! كيف بيصر حال الولد !! ومازالوا يرون نفسهم افضل ناس !

احيانا اريد اصرخ في وجهها واقولها " انتي إيش شايفة نفسك ؟؟؟؟ " اللي يزيد المشكلة ان اهلي يعززون هذا الشيء فيها وهم مايدرون , هي دايما توصف الناس بانهم يغارون

اذا احد شرى مثلها يعني يغار منها , اذا ماجلس احد معها يعني يغارون منها , اذا مااتفقوا مع وجة نظرها يعني يغار !!! كل المواضيع العادية تفسرها غيره, كل سوالفها كذا واهلي دايما بصفها !

اختي المتكبرة اذا مدحت نفسها , اختي الثانية تمدحها وتأكد لها ان كلامها صحيح بحسن نيّة ..


صارت الجسلة غصب اجلس معها ..! نقاشاتها سخييفة .. تخيلوا نقاش عشان اختلاف الاذواق طبعا النقاش مع اخوات رجلها اللي يشبهون تصرفات بعض بشكل كبير !

انا صرت مامدحها ابد , وابين انها عاااديه جدا ,, و صرت اكثر من الكلام عن ناس ملهمين مميزين بطموحاتهم واحلامهم , ناس حققوا اهدافهم .. احاول ان اجعل تفكيرها ارقى من الشكل والجمال !! لكن دون فائدة

احنا عائلة والحمدلله من الله علينا كل اخواتي بالجمال وهذا نعمة من الله وكل خواتي طيباااات جداااا وقلوبهم صافية وخلوقات ولديهم مايحبونه إلا هي فقط الوحيدة المختلفة عن البقية .

انا يتقطع قلبي على اطفالهم , مالهم ذنب يتعلمون التكبر و الاخلاق السيئة بسبب والديهم ! اشعر بالأسف على حالهم جميعاً :\

كتبت مشكلتي في منتدى اخر , لكن الردود ماكانت منطقية نهائيا خاصة انها اختي مو شخص غريب عشان اقاطعها او ماتكلم معها .

اريد حل منطقي وطريقة التعامل ,, هل محاولة استنقاصهم تنفع معها ؟ اريد ان ابين لها بإنها شخص عادي .. وان الجمال لاشيء بدون اخلاق ولا اهداف !

اعتذر على الإطالة لكن اشعر بالملل وصرت لا أحب الجلوس معها !

المصدر: نفساني