سؤال ممتاز يعطيك العافية

أنا بصراحة موبس كنت اخاف منها الا ارتعب بمجرد التفكير فيها

أحس صورة الأدوية النفسية مرتبطة في عقلنا بالمجانين

بس الحين حسيت الفكرة تعدلت شوي حمدلله

وسمعت كثير من المشاهير يعترفوا باستخدامهم للأدوية النفسية ومدحهم لها

ومع طبيعة عصرنا بما فيه من الضغوطات صارت الأدوية النفسية شي عادي

هذا بشكل عام لكن عن نفسي للحين خايفة شوي لأني بصراحة ما أحب الأدوية عموما"

يعني حتى المضادات العادية والمسكنات ما أحبها

اذكر قبل فترة تعبت وسخنت بس مارضيت اخذ أي دوا بس أشرب زنجبيل واعشاب

واستمرت الكحة أكثر من شهر لدرجة قلبي صار يعورني من كثرة ما اكح

وكثير قالولي خلاص استخدمي مضاد وارحمي نفسك

بس قلت اخلي جسمي يقاوم عشان ما اتعود عالمضادات

والحمدلله عدت على خير

والحين فكرت شوي بالنسبة لمشكلة الرهاب عندي

قلت خلاص بستخير واخذ دوا طبعا" بمتابعة أي اخصائي هنا بالنت

بس ترددت كثير خايفة بعد الدوا يجيني اكتئاب ولا هلع ..الخ

يعني مع المثل اللي يقول اصبر على قردك لايجيك اقرد منه _

بس ارجع وافكر لما اقرا ناس يقولوا حسينا بطعم الحياة والسعاده

وارجع افكر اخذه ولا ؟!

المهم اني في تردد كبييير والله يعين ويشفينا ويشفي مرضى المسلمين