نفساني - عرض مشاركة واحدة

04-07-2012, 05:01 AM

شكرا اختى امل الروح والله فرحت ان فى حد رد عليا انا ممكن احكي هنا لانى تايهه فى المنتدى لانى انا نفسي مش عارفه انا عندي ايه ممكن يكون وسواس او قلق او خوف مش عارفه التصنيف بالظبط ايه!!!!!!!!!!!!
قصتى هى :

انى متزوجه من 3 سنين وام لابن عنده سنتين المهم اول سنه جواز عدت بدون اى مشاكل وحملت بعد 3 شهور من الجواز وكنت بشتغل والحمد لله كانت السنه عاديه ومرت بسلام المشكله بدات عندى من بعد الولاده اخدت اجازه وضع 3 شهور وقعدت فى البيت بدات احس بخوف وتخيلات بس كانت عاديه فاذاد الخوف اكتر المهم بحكي لقريبتى قالتلى اعرف واحده كويسه ممكن تشوف لو فيكى اى حاجه هاتى رقم بيتك وعنوانك وهى هاتبعت بسم الله الرحمن الرحيم وهاتعرف فى عندك ايه وفى فى شقتك ايه المهم انا كان عندى فضول مش اكتر المهم اديتها العنوان وقالتلى مرشوش عمل عند بيتك المهم انا سمعت كده خوفت اروح البيت وفضلت عند ماما وسيبت البيت وفى تفاصيل تانيه مش مهمه انى احكيها لانى تعبت فتره واتضريت اسيب ابنى وارجع الشغل تانى بعد 3 شهور عشان خايفه اقعد فى البيت واشتغلت وتدريجيا نسيت الفكره والتخيل ان فى بسم الله الرحمن الرحيم وبعد تاكيد شيخ ليا انى مش فيا حاجه وبيتى نضيف والحمد لله
المهم كان ابنى عنده 9 شهور وصعب عليا عشان الرضاعه واتبهدل معايا بسبب الشغل فاقولت انى خلاص بقيت كويسه ومش بخاف من شقتى وبمارس حياتى عادى المهم قولت اخد اجازه رعايه طفل واقعد احسن بابنى وخصوصا بعد ما قامت الثوره فى مصر قعدت فى البيت شهر لان البورصه اتقفلت شهر وانا شغاله فى البورصه المهم ده كان تجربه ليا انى خلاص مش خايفه من القاعده فى البيت وحبيت اقعد مع ابنى فا قررت لما نرجع الشغل بعد الثوره هاقدم اجازه سنه المهم سبحان الله فى اليوم الى قدمت فيه اجازه واتقبلت كنت بدردش مع زميله ليا فحكيتلى انها شافت برنامج بيحكي انه بيجمع تبرعات لعلاج طفل والطفل سافر مع امه للعلاج بمستشفى وفى المستشفى كاميرا شافت الام بتحاول تموت ابنها فا مسكوها ولما حاولوا يقولوا للاهل الام قالوا انها ملبوسه بس وانا سمعت القصه دى وكانى خدت موافقه على الاجازه مع سيناريو عذاب لما اقعد فى البيت قعدت فى البيت 20 يوم كويسه وبعديها بدات القصه تجيلي بس بشكل تخيل انى انا الى بعمل كده فى ابنى وعياط وقله نوم استعذت من الشيطان وقاومت نفسي وقولت هاقدر على الفكره زى ما تخلصت من قبل من موضوع الخوف من الشقه والتخيل لاقيت نفسي بزيد وابص لابنى واعيط واخده فى حضنى وعندى لوووووووووووووم ليل نهار انى ازاى افكر كده المهم واظبط فى الصلاه والاقامه والحمد لله بدات اتحسن كنت بوصل لدرجه انى لما اشوف طفل مع امه فى الشارع مع امه اقول اكيد هى عمرها مافكرت تعمل كده فى ابنها زى مانا فكرت وعايشه تانيب ضمير جامد وقعدت ست شهور الفكره راحت بتيجى بسيط دلوقتى رجعت تانى وبكاء شديد فى الصلاه لدرجه انى ساعات بدعى على زميلتى وبقول يعنى هى مبسوطه مع بنتها وانا تعيسه ومش عارفه افرح بابنى انا بقالى سنتين تعبانه الاول م الخوف من انى فيا حاجه وانى شقتى فيها حاجه وبعدين قصه الام الى بتحاول تقتل ابنها والفكره والتخيل الى بيجيلي انى انا بخنق ابنى وبخاف احكي لحد يقول ايه المجنونه ده بقول يارب انتوا تحللوا انا فيا ايه لانى مش عارفه انا الى استفاده من التجربه دى انى واظبط على الصلاه الحمد لله واقامه الليل وانا كنت بقطع فى الاول بقول لعله خير دلوقتى بفكر انى احمل تانى عشان بقول يمكن يكون ده خوف على ابنى ولا اشتغل مدرسه لانى تربيه انجليزي اصلا والى مذود همى وتعبى وحزنى جوزي مش بيتكلم كتير فا مش مشاركنى حياتى ياريت تنصحونى اعمل ايه وتتحللوا الى عندى ده ايه يارب يخليكوا يارب انا فعلا محتجاكوا اوى وشكرا ومعليش طولت عليكوا مع العلم وانا بكتب ايدى تلج ورجلى وعندى مغص او ارتباك فى معدتى شكرا اووى