نفساني - عرض مشاركة واحدة

04-01-2018, 02:38 AM

السلام عليكم انا توي سجلت عندكم اتمنى محد يعدي مشاركتي واتمنى تردون علي تكفوووووون ، وبصراحه محد شخصني الى الان ولا رحت لدكتور نفساني ابدا يعني ماحصل فرصه .

انا من كان عمري 9 سنين اعاني من نوبات هلع ولا كنت اعرف عنها شي وكان فيني خووف وقلق وتوتر ودوخه ورجفه واضحه .

وكنت اذا تسكر اي باب واذا جلست بظلام يجيني دوخة وخفقان وانقطاع النفس وكان راح يغمى علي اضطر اني اطلع برى شوي وارجع .

واصبح عندي خوف من اخر العصر الى وقت النوم اكره هالفتره عندي يجيني ضيييق وبكاء وما احب النوم وقلق وتوتر بشده لدرجة اسهر معاها ثم انام جالسه خلال الشهر تجي كذا مره .

وكان عمري 12 حضرت في مركز يتكلمون عن الموت والقبر والكفن وصرت اقراء وابحث عن الموت وصار عندي وسواس موت ونوبات هلع واتامل رجولي وانتطر على سورة القيامه ( والتفت الساق بالساق ) .

وخف الوسواس من نفسه وصارت بس نوبات تخفتي ومرات تجي فجاءه طبعا مع الشعور كاني بحلم هذا كثييييير يجيني .

وفهمت لنظام النوبات مع انها والله مرات تجي 4 ساعات مع افكار انتحاريه وافكار غريبه ماتخطر بعقل مسلم واتعب بس اتذكر اخر مره جتني واخفف من نفسي وتهداء وترووح اليوم الثاني مافيني اي شي مع العلم اني عمري مابحثت عنها الا قبل سنتين ولا فصلت فيها .

اعرف اعراضها واضحه ومفهومه واقدر اتخطاها طبعا مو بسهوله بس فهمتها وخصوصا انها تجيني للموت فقط .

الى انا وصلت ال24 سنه ، تابعو معي تكفووووون .