المشاركة الأصلية كتبت بواسطة عزووزي السلام عليكم الى كل متعافي الله يتمم عليكم ويشفينا معكم ابي تكتبون لي اعراضكم المستمره معكم كلها يعني اللي عنده هلع وش الاعراض اللي كانت مستمره وكيف الطريقه اللي تشافيتو منها

وعليكم السلام ورحمة الله وبركاته
كل أعراض الهلع مريت فيها واستمرت معاي تقريباً ثلاث سنين وكانت تجيني من فترة لفترة
عالجتها بعد فضل الله سبحانه وتعالى بالمحافظة على الصلاة والإستغفار والأذكار والتسبيح وقراءة القرآن وأسمع سورة البقرة يومياً وقت النوم وأيضاً اسمع الرقية الشرعية ونظام الأكل يكون خفيف مايتعب البطن وكنت أستخدم حبوب دوجماتيل 50mg مرتين في اليوم مرة بعد الفطور ومرة بعد العشا لمدة شهرين وبعد الشهرين صرت أستخدمها عند اللزوم للقولون
أيضاً ابتعدت عن التفكير نهائياً في هذي الحالة " الهلع " والحمدلله بعد هذا البرنامج اللي مشيت فيه إختفت الحالة
أهم شيء إذا بتتغلب على الهلع حبه وتقبله واصبر عليه بعد فترة بيترك ، أما إذا جلست تفكر فيه وتتوجس منه وتضرب له حساب وتجلس تنتظره في كل لحظه ماراح يترك وبينغص عليك حياتك

كثرة التشكي مامنها فايده
الناس في زمنا صارت تنفر من اللي يتشكون ولا تحب مجالستهم
لاتشكي همك إلا لله واللي ربه الله تأكد ماراح يضيع بس أحسن ظنك بالله وبتعيٓن خير
عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) رواه البخاري ومسلم .

قدامكم العافية جميعاً