ميرلا ميندوزا

بيانات اضافيه [ + ]

رقم العضوية : 5434  تاريخ التسجيل :  01 2004  أخر زيارة : 10-03-2009 (01:09 AM)  المشاركات : 220 [ + ]  التقييم :  10

لوني المفضل : Cadetblue

حبيبتي الغالية ألم قلبي ... خلج من الأدوية لأن لها تاثيرات جانبية انت في غنى عنها ... وبعدين الأدوية للحالات المستعصية واللي يأس منها الطب ... وهذا رأيي الشخصي ... الأدوية مو حق وحدة مثلج طبيعية وماعندها صدمة مفاجاة ... الله يبعدها عن الجميع ... أعتقد يا الم انج تعانين حاليا من الشعور الداخلي بالغربة والوحدة ... + بعض مشاعر النقص والاضطهاد ... يعني تحسين انج وحيدة ، غريبة ، مضطهدة ، ناقصة في أحد النواحي المهمة بالنسبة لج أو ناقصة حظ ... عموما هذا تحليلي البسيط عن حالتج ... فإذا كان صحيح ... فهو على غير دليل ... مجرد نتيجة للضغوط اللي تعانين منها واسلوب رد الفعل عندج لهذي الضغوط ... يعني مثلا : دخل أخوج اليوم البيت عندكم ... فجاة طالعج ... خزج ... ما ابتسم ... طالعج من فوق إلى تحت ... تجاهلج ... راح يضحك مع زوجته أو أحد ثاني وكأن شيء ما كان ... اهني ردة فعلج شلون ؟ طبعا بناء على اعصابج المتوترة وتراكمات الضغوط في عقلج الناتجة عن كثرة تحليلج للمواقف اللي تمرين فيها واهتمامج وتاثرج الشديد وحساسيتج ناحية الآخرين راح يخلونج في حالة يرثى لها ... وطبعا ردة الفعل العصابية الانفعالية هذي تندرج أو نتيجة لفقدان الثقة بالنفس واستقلاليتها ... ولابد ان بيوم راح توصلين لمراتب مرموقة من الاستقلالية والنجاح ... لكن شنو ؟ ... عالبطيء ... المهم ... ردة الفعل الايجابية المطلوبة للمثال السابق واللي ما تحدث تراكمات اهي كالتالي ... اولا مو لازم انج تطالعينه بعينه مادام العلاقة مشوشة ... وإذا صدف ان طالعتيه ولاحظتي بهاللحظة او بهالثانية شي ما عجبج فقولي على طول داخل نفسج ( خير يا طير ، ومنو يعني اللي بيهمني وبياثر فيني ، وابتسمي في قلبج ) فهذي هي أصدق ابتسامة ( ابتسامة القلب ) مو شرط تظهر على الشفايف ... طبعا المثال السابق ضربته عشان اوضحلج الفرق بين ردالفعل الايجابي والسلبي ... أما الافكار والمشاعر السلبية اللي ممكن تكونين تحسينها مثل : وحدة ، غربة ، ضعف ، اهتزاز ، عصبية ، نرفزة ، غموض ، نقص ، احباط ، قلق ، اضطهاد فهي ناتجة عن ردود افعالج السلبية على المواقف اللي تواجهينها واللي تخليج تحسين بالاحباط من ردود افعالج نفسها وتتمنين ان تكونين وحدة ثانية تسلك سلوك مختلف في نفس المواقف ... عموما ... ليش السلبية تتفوق عندج على الايجابية ... بدل ما تطلعين من البيت او تدخلينه وانت تحسين بهالمشاعر ... أحلّيها ( إحلال إيجابي ) يعني بدل ما تصحين من النوم مكشرة اصحي مبتسمة ... بدل ما تطلعين من البيت بشعور ان الناس ما تحبني قولي لنفسج ( الناس تحبني وانا احبها ) ... وبدل ما يصير موقف وتشكين بنوايا فلانة ومشاعرها احسني الظن فيها والتمسيلها الاعذار المناسبة ... وبدل ما تسمعين صوت اخوج وتقولين بنفسج ( ويع ) قولي ( الله صوت اخوي ) بغض النظر عن كل توجهه السلبي ناحيتج ... ويمكن انا ما قلت لج على نوع ردة الفعل هذي لان انت كنتي تمرين بمرحلة حرجة مو طايقة نفسج وسعة التحمل كانت منتهية ... اما الحين فالخطوة الانسب والافضل والاكثر تطور هي الاحلال ... بغض النظر على مدى صعوبة تبديل السلبي بنقيضه الايجابي ... واخذي الامثلة التالية للاحلال وطبقي على حياتج ...
خمول × نشاط : أي خمول يتحول إلى نشاط ...
كره × حب
يأس × أمل
توتر × استرخاء
عصبية × هدوء
نقص × رضى واكتفاء
عذاب × لذة
ملل × تسلية واسمتاع
اضطهاد × ألفة وتآلف ووحدة واندماج وانسجام
شك × ثقة
تردد × ثقة
حيرة × ثقة
غربة × ألفة وتوافق وانسجام
وحدة × جمعة ولمّة واندماج وصحبة
ازعاج × أصوات حلوة مسلية
غضب × حلم واتزان
دفاع عن النفس × هدوء وثقة وحكمة واتزان
رفض × قبول
تكرار× تجديد
ذبول × ازدهار
تكشير × تبسم
بكاء × ضحك
عنف × رقة
عداء × محبة
احتقار × احترام وتقدير
تعاسة × سعادة
كفر × ايمان بأن كل من عند الله خير وسعد
تذمر وسخط × رضى وقبول
تعب × راحة
تشتت × تركيز
ضياع × سيطرة وتحكم بالنفس
تعالي × تواضع شديد
حزن × فرح
مبالغة × توسط واعتدال
طبعا الاحلال تصنعينه على مستوى الفكر والشعور وايضا التطبيق ...
اتمنى لج التوفيق واحذري 4 ( الغضب - سوء الظن - الكره - الغرور ) ... حبيبتي ... ألم قلبي ...