دانوشة

بيانات اضافيه [ + ]

رقم العضوية : 32372  تاريخ التسجيل :  11 2010  أخر زيارة : 27-01-2018 (11:40 AM)  المشاركات : 192 [ + ]  التقييم :  10

لوني المفضل : Cadetblue

الى الدكتور مصطفى

السلام عليكم دكتور مصطفى
انا عندى هلع من 7 سنوات قبل ما اتجوز ب 3 شهور جالى اكتئاب شديد وخوف من الموت وسواس مرض ووسواس كل الاشكال وكان يجينى وسواس انى هاذى امى يعنى لو واقفة جمبها يجينى وسواس انى هافقد السيطرة على نفسي واعمل فيها اى شىء والحمدلله بعد فترة تحسنت حالتى يمكن بعد شهرين مثلا وبعد كدة اتجوزت وفضل معايا وسواس الموت والهلع والخوف من الموت بس كان خفيف يروح ويجى وكنت دايما انزل المستشفى وكنت باخد زاناكس عند اللزوم وبعد كدة اشتغلت شوية وخلفت ولد ورجعنى الوسواس تانى على ابنى الصغير وكنت اخاف جدا عليه من كل شىء واوسوس وافكر وتعبت جداااااااا بس الحمدلله راح الوسواس والخوف دة وخلفت بنت كمان والموضوع هدا كتيررر بس كل فترة يجينى وسواس على اولادى انى ممكن بعد الشر يحصلهم حاجة واخاف من الخطف والامراض وكل شىء واحيانا زى اللى جانى على امى زمان انى ممكن اذيهم مثلا واتخيل اشياء كتير واعصابى بتتعب جدااا انا عارفة ان كلها افكار شيطانية وساوس ملهاش اى معنى ومتاكدة انى ان شاءالله هاقاومها بس بتعب اوى لما بتجينى وباخاف وباحاول اشغل نفسي بس باحس انى هافضل موسوسة كدة وبعدين ارجع اهداا واسيطر الحمدلله
حالة الوساوس دى بتجينى تقريبا كل سنة مرة وتفضل معايا وقت شهر مثلا بتتعبنى اوى ودايما تجينى لما اكون فى بداية لاى حاجة حلوة فى حياتى
يعنى قبل جوزاى واول ما خلفت ابنى الاول وبعد كدة بنتى وبعد كدة دلوقتى قبل دخول ابنى المدرسة
انا عاوزة اسالك هو الموضوع دة ممكن يتطور واتعب اكتر او اتجنن مثلا ؟ ولا مع الوقت بيخف تدريجيا
انا مؤمنة بربنا والحمدلله وواثقة فى قدرته على انى اطلع من الحالة دى وواثقة ان ربنا كبير
بس محتاجة حد يساعدنى ويحفزنى ويطمنى
وشكرا لك كتيررررررر

المصدر: نفساني