السلام عليم أحبائي
دي أول مشاركة ليا في منتداكم الكريم وقرأت مواضيع كتير فيه عجبتني جداً بس ماغيرتش حاجة في حياتي
مش عارف هل العيب عندي انا ولا المواضع هيا ماوصلتش المعلومة صح
انا مش كلتي ببساطة إني مش عارف اغير حياتي
وحياتي هيا كالتالي
بروح شغلي مابكلمش حد
صحابي بقوا 2 أو 3 بس
بخاف أفكر أو بمعني اصح وصلت لدرجة إني بقيت بحس إني مابعرفش افكر يعني تقريبا كده الجزء بتاع التفكير اللي في المخ وقف :)
مابعرفش احل مشاكل حتى لو كانت اصغر المشاكل اللي ممكن الواحد يواجهها في حياته
ديما شايف إن اللي قصادي هو الصح حتى لو كنت واثق تمام في المعلومة اللي انا بقولها
ديما ستني حد يقولي اعمل ايه
ديما كسول لدرجة إني كنت عايز حد يكتب مكاني الكلام ده
ديما كل ما اقرر إني اتعلم حاجة جديدة الاقي نفسي عندي حالة كسل رهيبة لجدرة إني ممكن انام
انا قريت جلسات علاج الرهاب الإجتماعي بس برده ماعرفتش اطبقها
روحت قبل كده لدكتور نفسي ......... قالي إن انا عندي رهاب إجتماعي وكتب ليا علاج بس انا مش عايز علاج انا عايز اعدل سلوكي مع الناس
انا ديما شايف نفسي اقل من اقل واحد قابلته
في شغلي (مصمم جرافيك ) بخاف اقول اي فكرة جديدة علشان بكون انا اصلا مش واثق في فكرتي بس بيكون عندي هاجس إنها فكرة كويسة
ياريت لو حد يفيدني في اللي انا فيه ده لإن انا تعبت ومش عايز اكون كده