نفساني - عرض مشاركة واحدة

11-03-2013, 07:58 PM

السلام عليكم ورحمة الله
بالفعل محتاجين لهالموضوع نخفف على بعض
انا قصتي مع اول نوبة هلع كنت بالصف الخامس الابتدائي وظلت اسبوع وطارت
ورجعت لي باخر يوم امتحان بالجامعه كنت فرحانه يومها ومخططه للإجازة وصابتني لكن هالمره مع اختلال الانيه
انقلبت حياتي فوق تحت ماكنت اعرف وش هالشعور الغريب ولااقدر اقوله لحد علشان محد يتهمني بالجنون ههههههههه
الين قرات عنه وارتحتتتتتتتت لما عرفت في ناس مثلي اقسم بالله كنت احسب أني لوحدي بهالعالم الي أعاني من هالشعور
بعدها بشهر اتخطيت المرحله وتغلبت ع الهلع و وسواس الموت بفضل الله والاختلال خف كثير ورجعت طبيعيه كل شي مئة ميه
بس مع ضغوط الحياة والمشاكل والدراسه رجعت لي برمضان الماضي وبشكل اقوى ولله الحمد وللحين مستمر
اه وش اقول شعور لايوصف خصوصا لما اروح الجامعه يا الله احس جبل على ظهري ضيق العالم بقلبي عذاب مايدري عني احد الا ربي
حتى بالمحاضرات بعالم ثاني كل كتبي لو تقروها كلها فيها كلام كثير مو كلام الدكاترة والشرح أبدا عبارات اشفيني يا الله ارحمني يا الله ارحم ضعفي احس الدنيا والناس بعالم وانا بعالم كنت قبل إنسانه مرحه اجتماعيه الكل يحب ياخذ راي بكل شي كنت بارعه في اختيار اللبس والمكياج والكل يعتمد ع ذوقي وايضا متفوقه كنت بكلية الهندسه بس كنت تعبانه منها شيبت راسي الحمدلله مو متحسفه ع الماضي أبدا عندي قناعة قوية جداً بداخلي السنين الخمس الي مضت ربي بيعطيني سنين اجمل وأحلى دائماً اقول الحمدلله ماكنت اعرف وش ممكن ربي يبتليني فيه فانا راضيه بوضعي ميه ميه وانتظر الفرج باي وقت لكن تدرون بالرغم من قساوة هالشعور والالم النفسي الي يسببه الا ان كان له إيجابيات على حياتي كثير اولها اتحجبت الحمدلله صرت اقعد بالبيت من الجامعه للبيت ومن البيت للجامعه سويت لي جو خاص لحالي بالبيت غيرت اثاث غرفتي صرت إنسانه هاديه جداً وقنوعه وراضيه وحولت كلية القانون وياسلام ماكنت اتوقع أني راح استمتع هالكثر فيها ماشاء الله تبارك الله حسيت انها جأت لصالحي نقطة تحول بحياتي عرفت ربي يبغالي الأحسن والأفضل كثير اشيا تغيرت صرت قريبه من الله اكثر اكثر من قبل ومتعلقه فيه وماحاتي لاان بشفى يوم من الايام بفضله وبس لان محد وقف معاي أبدا لا اهل ولا اصدقاء ولا اطباء اهلي منعوني من الطبيب قالو دلع بنات والي يقول سحر والي يقول جن والي يقول عين رميت كل هالكلام ورا ظهري واكتفيت وقلت الله معاي وبس واذكاري وصلاتي والقران وتمارين استرخاء غير كذا مافيه

بالنسبة لليوم صحيت والاختلال قوي الصبح كان رحت للجامعه وحسيت بضيق ورجفة بسيطه وعملت تمارين استرخاء وقريت سورة الشرح واستغفرت وخفيت الحمدلله وعدى اليوم على خير ورجعت نمت

شكرًا لك ع الموضوع محتاجين نفضفض ونطلع الي بداخلها لعل يساهم في سرعة شفائنا ان شاء الله وسامحوني ع الاطاله