المشاركة الأصلية كتبت بواسطة خائفة من الله

السلام عليكم يا دكتورة سارة أنا عايشة في المدينة المنورة ولسة مشتركة في المنتدى حضرتك من أي بلد انا عايزة اتعالج من ال انا فيه ده لاني تعبت جدا من هذه الرهبة الفظيعة انا سيدة عديت الاربعين مشكلتي رهبة شديدة عند مقابلة أي ست رايحة ازورها او تكون هي جاية عندي وبسبب الخوف الشديد ده احاول اتجنب اي موقف اجتماعي أو واجب وما ليش اي علاقة بالجيران أو غيره وده يؤثر علي جدا لاني بحس اني مقصرة معهم وحقهم علي اني ازورهم ويزوروني انا في داخلي بحب الناس وبحب اكون معاهم بس المشكلة اني بابعد عنهم على قد ما اقدر وده بيزود تعبي النفسي اكتر المشكلة دي عندي من اكثر من عشر سنوات ومش لاقية حل انا الحمد لله بصلي واذكر الله دائما وبادعيه كتير جدا انه يشفيني لاني مش راضية عن نفسي وتعبانة جدا سامحيني طولت عليكي بس انا لاقيت المنتدى ده قلت افك عن نفسي مع انسانة تفهمني زي حضرتك وتحس بمدى الالم النفسي ال عندي وتساعدني لاني عمري ما اشتكيت من الموضوع ده مع انه بيبان عليه قدام الناس ياريت تساعديني يا دكتورة جزاكي الله كل خير