نفساني - عرض مشاركة واحدة - الموسوعة الأدبية الخاصة بنا ( فليشارك الجميع )

26-10-2003, 02:32 AM

نـــــــــــور الفجــــــــــر **

ماهمني كثر السهام وهمسها ..
ماهمني كثر الأشواك وغرسها ..
وكل لفظٍ يشتهون ..
وكل وصفٍ ينتقون ..
ما همنــــــــــــــي ...!!
هي تفترس جدران قلبي والعمر ..
تطعن أعماقي وعلى أحلامي تمر ..
لكــــــــــــــــــن ..
كرامتي .. فوق الحدود ..
وعزتي .. دايم تزود ..
شامخــــــــه..
وذلي يختبي خلف الضلوع ..!
عاليــــــــــه..
برغم غفوات الشموع ..!
ما هو هروبٍ من حياتي ..
ولا تكبر فيني عاتي ..
نفسي ترفض انكسار ..
برغم نظرات الكبار ..!؟
هم يبوني بس ذليله ..
أقبل الجرح وأشيله ..
واللي فيهم صدره ضايق ..
من حياته .. تختفي كل الطرايق ..
إلا قلبــــــــــــــي .. !
ياخذه لوحه أمامه ..
وبقساوه .. يبدأ يسدد سهامه ..
وإن نبض قلبي وشهق ..
قالوا مالك أدنى حق ..!
قلت : أعرف إني صغيره ..
لكن أبعد ما يكون ..
أقبل العزه أسيره ..
وانحني لهذي العيون ..!؟
وامضي في وسط البحر ..
انتظر نور الفجر ..
لكن أتعبني الزمان ..
ما أبى إلا أمان ..
وما لقيــــــــــــت .. ؟!
أبي أنعم بالسكون ..
وبدفا قلبٍ حنون..
رحت أدوّر لي سحابه ..
تمسح لقلبي عذابه ..
رحت اشتكي لذيك الورود..
من كثر هذا الجحود ..
بعدها شفت السهام ..
من قلوبٍ في ظلام ..
يسألـــــــــون ..
وين تمجيد الكرامه ..؟!
ورفضك لأية إهانه ..؟!
وين عزة قلبك اللي ما تهون ..؟!
والمدامع اللي تذرف ما تبي جرح وطعون ..؟!
قلت .. خلوني أقول ..!
أنا للشكايه والحكي ..
أبي أبحث عن حلول ..
تحفظ حياتي وعزتي ..
ما أبي لذلي مثول ..
يعني بالمعنى الصحيح ..
ما طلب مني أصيح ..
إلا الكرامـــــــــــــــــــــــه ... !!!

ضوء**
سيدي // الهاشمي .. كل الشكر لك مني ومن أحرفي ؛ على سؤالك عن " قطر الندى " .. فأنا أصغر بكثير من سؤال مثلك عني ..

حفظك الإله ....

تقبل فائق التقدير وعظيم الامتنان ..
قطر الندى ****