نفساني - عرض مشاركة واحدة

09-10-2011, 07:16 AM

اقتباس:

المشاركة الأصلية كتبت بواسطة مخاوي الوحده

حالي يقول مثل ما قال الشاعر
وش تبا فيني انا والله انتهيت
.............. ما بقى من نار روحي الا الرماد
وليش تسألني هويت او ماهويت
................. لا افدت العشق ولا مني استفاد
مافي حد يمسح دموعي لا بكيت
............... ومافي حد يشتاق لي وقت البعاد
دامني لنفسي انا لا ما لقيت
............... كيف بالقى خل يبادلني الوداد
انا تايه لا عرفت ولا دريت
............... من انا او وين انا بايه بلاد
ومافي حد سمع كلامي لا حكيت
................... ولافي حد يفهم منه وشهو المراد
انا عارف لا زرعت ولاسقيت
.................. وكيف جاي اطلب نصيبي من الحصاد
اصلا انا لا انزرعت و لا ارتويت
................... ولا استفاد الطير مني والجراد
انا من يومي على الدنيا وعيت
................. ادمي في شرب ماي واكل زاد
اما باقي الدنيا منها ما حويت
................ يمكن الدنيا تحسبني جماد
اشتكت روحي عليها انا اعتديت
..................... واشتكى من حيرتي نبض الفؤاد
كيف بابني بيت وانا ما انبنيت
................... كيف اصلح نفسي وانا اصل الفساد
اصلا انا ماني محتاج اي بيت
................... مااحس بحر ولا حس البراد
وانت ياللي تسال اش فيك اختفيت
.................. انت ياللي لا بس ثوب السواد
ليش ما داويتني حتى شفيت
................... والا انصفني على عدل وحياد
انا ماني شاعر ولا قلت بيت
................. بس هذا الهرج لجروحي ضماد
ماني شاعر لا مدحت ولا هجيت
............... بس ذا مثل الشريط اللي يعاد
من بقايا انسان حي مستميت
................ لا نقص عمره يحسب العمر زاد
بس يا حروفي انا منك اكتفيت
.................. اسكتي يا حروف يالله بس عاد

والله تعبت استخدمت السيبرالكس لمدة خمسه اشهر ونص وعاد الحال على ماهوه عليه لنا الله

قصيدة رائعة أخي وسلمت يمينك على النقل

هل من الممكن ان تذكر لي سبب استمرارك على سيبراليكس رغم انه لم يفيدك؟