غير تقليدي

بيانات اضافيه [ + ]

رقم العضوية : 34406  تاريخ التسجيل :  05 2011  أخر زيارة : 24-10-2011 (08:40 PM)  المشاركات : 51 [ + ]  التقييم :  11

لوني المفضل : Cadetblue

انا سويت كثير نداء واستفسار لأي إخصائي ولكن لاحظت لازم يعني أعمل نداء لشخص معين عشان يرد على استفساراتي بمرضي مع اني اشوف اغلب المنتديات
يردون كل المشرفين على استفسار عضو يسأل عن برنامج يحتاجه أو تصميم أو من هذا القبيل ..... ماعلينا اهم شي محد يزعل مني الى الدكتور رعد بما انك لك باع في الطب ابي اعرف هذي الاعراض اللي معي وهي

انا كنت اتعالج عن الاكتئاب وتشافيت وكنت
امشي مع حبوب تريبتزول 10مل بعدين 25 مل مع مهديء نسيت اسمه وتشافيت وارجعت حياتي الطبيعية
الان تركت العلاج لي سنتين
رحت لاكثر من مستشفى كله اعاني من مشكلة
في معدتي مرة اسهال ومرة امساك
حموضة شديدة اول مرة تجيني كذا
استمرت هالحموضة معي سنتين ونقص وزني
المهم الحليب صرت ما اعرف اشربه ولا اللبن وقطعت التدخين
سويت منظار وكل شي قالوا لي سليم
بس المشكلة احيانا يطلع من بطني الوان غريبة واكثر شي اللون الاسود
ولما اروح اسوي تحليل يرجع طبيعي
عندي ارهاق كثير والام في مفاصل رجلي وظهري وعلى جوانب ظهري من الكليتين
عملت فحص للكليتين قالوا لي سليم
وكوابيس كله عن الجن وتهديداتهم لي حتى وانا نايم على وضوء
رجعت اخذ التريبتزول اللي عالجني الدكتور من قبل اخذ فترة تجيني اعراض قلق شديدة واختناق في التنفس واسهال وثقل في الوزن
حتى خفت ارجع له مع اني ابي ارجع

قولوا لي هل هذي من اعراض مرض الاكتئاب او لا

نسيت بعد اقول تجيني شحنات خفيفة من الكهرباء في صدري وجهة اليسار من بطني تحت
واحيانا لاجيت انام جفوني ترتجف او راسي من خلف الرقبة
اول يوم كان في اكتئاب ماكانت اعراضي كذا
مجرد بس قلق وقلة نوم وقلة شهية
هالحين الاعراض هذي اول مرة تجيني
حتى اني ما افكر فيها
بس تجيني رغما عني التريبتزول صار يخنقني لاجيت اخذه وليش ؟؟؟ اول كنت اخذه عادي