|
مدري وسواس والا غيره والا وش ؟!! :(
بسم الله الرحمن الرحيم
والصلاة والسلام على اشرف الأنبياء والمرسلين نبينا محمد وعلى آله وصحبه اجمعين وبعد ..
يآ حبيآيبي .. انا اول مره في حيآتي العمليه والإنسانيه و العلميه اكتب موضوع عن حالتي
عسى ان شاء الله احصل عندكم الي يريحني ..
انا انسآن عمري 21 .. سعودي .. خآطب .. موظف .. سآكن مع اهلي والديني عايشين
( الله يمدهم بطولت العمر قولوا اآمين ) .. حالتنا الماديه ممتازه
اخلاقي الحمد لله ممتازه .. ملتزم بصلاتي .. اعرف الحلال والحرام.. لا اني راعي بنات .. او دخان .. او شراب .. اللهم لك الحمد
حالتي تقريبا وراثيه من جهة الوالده .. لان خوالي منفسين يعني يعانون من اكتئاب
واعراض الخوف والقلق ..
من سوء حظي طلعت مثلهم .. 
...........
الحين جاء وقت المشكله ..
...........
انا مخاوي ناس راعين بناااات والي يطلع مع بنات والي يوريني صور والي يشكيلي
خويتي سحبت علي ومدري وش ..
بعض البنات الي يكلمونهم ويروحون عندهم .. متزوجات و ازواجهم يكونون مداومين ودوامهم 12 ساعه متواصله .. فياخذون راحتهم
بصرآحه انا ابغى اكلم بنت واعيش قصه حلوه .. .
بس يرديني خوفي من ربي .. والقاعده الي امشي عليها
( من طق باب الناس طقوا بابه )
لكن ازعجت الوالده وخطبت لي .. وحده كنت اتمناها ..
..........
المهم من كثر ما اسمع القصص ومن كثر ما اشوف اشياء قداآمي تعقدت نفسيا
جاني وسواس في اهلي .. خاصتا امي ( الله يلعن الشيطان ) والله مو بيدي بس
وش اسوي .. كنت اذا نزلت امي محل وانتظرها يجيني شي ويقولي امك الحين
تكلم راعي المحل وهي معجبه فيه ومبسوطه معه وكان وقتها تجيني حالة هلع
وخوف وخفقان وحراااره في جسمي
وتأزمت نفسيتي مرررره .. ولما اروح المسجد ايام رمضان واصلي تراويح
يجيني الشيطان ويقولي اختك الحين في البيت لحالها اكيد انها تفتح الباب الحين
وتدخل اي احد البيت وانتم ما تدورن .. وتروح الصلاه كلها خفقان وهلع
حتى اقوم من الصلاه واطلع من المسجد ما عد اقدر اجلس
والا اذا داومت وابوي داوم والعيال راحوا المدرسه ... يجني شي يقول تذكر الي
البنات الي يطلعون مع اخوياك لما ازواجهم يداومون امك تسوي مثلهم ..
والمشكله الي تعبتني
( انه تجيني صوره كان امي جالسه مع واحد وتضحك ومبسوطه ومعجبه فيه )
لما اتذكره الصوره او الشي الخيالي هذا ارتآآآآآآع
بعدها تطورت الحاله صرت كل ما شفت واحد هو وزوجته .. اقول في نفسي يآلله
زوجها يدري انها تخونه والا لا .. وهل هم سعيدين والا لا .. يعني لقآفه ..
.......
صآرحت امي بالموضوع وتفهمت الموضوع .. وقالت لي كل خوالك عندهم حاله اكتئاب لكن انت حالتك غير عنهم لانك انت سكت وما علمت احد وتطورت ..
وبعد محاولات منها ... رحت لعياده نفسيه وصرف لي دوا سيروكسات لمدة سته شهور
والحين لي مدة خمسه شهور ..
يآ عالم ارتحت وفهمت الحياه ودريت اني على غلط وان هذآ شيطان وكذآ
ويالله لك الحمد رجعت تمااام .. وصرت اقرى عن الأمراض النفسيه
واتابع مقاطع يوتيوب اساب القلق وكذآ .. يعني استفد مره مره
بسسسس
اخآآآف لما اتذكر البنات الي يطلعون واتخيل اختي تسويها واتضااايق مررره
اعرف انها مجرد افكار كآذبه بس لها اثر علي ..
ودايم يخيل لي ان البنت اذا اعجبت بواحد خلاص تحبه وتخلي زوجها او تكرهه
او البنت تخون اهلها عشان واحد اعجبها شكله
او تجلس تفكر فيه وتتمناه بدال زوجها ..
بالله احد يعدلي المعلومه ذي !!
..........
وانا ان شاء الله على وجه زواج قريب ..
عطوني نصآيح الله لا يهينكم كلكم ...
وآآآآآسف طولت عليكم
فديييتكم 
|