نفساني - عرض مشاركة واحدة

16-01-2011, 06:24 AM

ياساتر ....

تقتل مين ؟؟؟؟؟

أخى قصتك مؤلمه بصدق ..

أنت بتقول إنو أخوك الى منتى طايقووووو صعب هالشئ والله لكن أكيد مجرد كلامات تخرج ساعة زعل لكن الأخوة والمحبه بالقلب مستحيل تزول مهما عمل أخوك من أشياء تضايقكم ..

ما سألت نفسك هو ليش بيعمل كدا ما جلست معاه خرجت إنت وهو سوى كالأصدقاء تحدثت معه بما يزعجك ويكدر خاطرك وتبادلتوو أطراف الحديث وتقاربت النفوس لبعض أكثر
لكن إنت شايف إنو غلطان ومزعج وما ينطاق وأكيد قلتو له من هالكلام وأثر فى نفسه وزادت حالته وهى الى بتلاحظوها من تطنيشو للكل وعدم إحترامه لهم بأعمال تزعجهم صدقنى هو حاسس إنه مو مرغوب فيه وانه مكروه عشان كذا مستمر فى أذيتكم سواء بالكلام او العمل ..
وإنت بتقول إنه مكتئب يعنى عنده مشكله المفروض ترحمو أكثر وتتقربو منه وتحسسو إنكم مهتمين فيه وتحبوا بصدق مو عشان بس تفتكو من شره ..

أسمحلى أقولك إنك غلطان فى حق نفسك كيف ما حتغلط فى حق أخوك شرودك من المنزل يدل على ضعف منك ومالك قدرة فى تحمل أخطاء الأخرين ومواجهتهم ..
روحت تدخن أكبر غلط وبكت كمان من جد إنتحار وقتل لنفسك أخى مو كان الأفضل توحهة لغرفتك أو خرجت أى مكان ترتاح فيه وحملت معاك قران وقرئت منه ما استطعت وارتاحت نفسك من الهم والعجز الى حسيت فيه وقتها
السرعه فى قيادتك إنتحار ثانى موبس فى ضرر عليك ممكن تضر آخرين غيرك والعياذ بالله ..
بالله ليش هذا كله عشان مشاكل بسيطه ممكن تتحل بالتفاهم والصبر ..

أنصحك يا أخى ان شعرت بضيق منه تتركو وتتجه لغرفتك وتشغل نفسك بشئ مفيد إن شفت انو الكلام ما جاب معه نتيجه بس تظل تحاول وتحاول والله يغير الحال لأحسن حال ..
أما إنك تضيع نفسك او صحتك على شئ ما يستاهل والله تندم ولا تقول راحه بالعكس لأنك إذا فقدتها راح تحس بالألم وتتمنى العافيه .. وتأكد إنه محد يتحمل أحد وقت مرضه إلا من رحم ..
ارجو إنى أفدتك ولو بالقليل ..
شرح الله صدرك وابدل همك وحزنك فرحا وسعادة ... آآآمييين