نفساني - عرض مشاركة واحدة

26-12-2010, 06:50 AM

السلام عليكم ورحمة الله ..

أختى دلع الكون ..
زوجك ما يعانى من أى مرض ممكن يكون عنده عقد وسببتله حاله نفسيه وجالس يفك عقده فيك ..

حاولتى بكل الطرق إيش هيا ممكن أعرف بعضها مو كلها إذا ممكن ..

شوفى إذا شفتى إنه مستحيل ينصلح حاله وإنتى منتى قادرة تتحمليه فقولى للوالد إنك إنتى مسئوله عن طفلك فى الصرف عليه وتربيته بس هو يقبل بك وبه .. وإنت بتقولى إنك عندك شهادة وممكن تشتغلى به وتئمنى نفسك وطفلك ..
لا تخلى يزيد فى ضربك ممكن يسببلك عاها لا قدر الله .. بعدين الطفل راح يتعقد لما يشوف هذا الشئ ويرسخ فى ذهنه ماهى عيشه هذى سويه ..
وأنتى المفروض من أول ضربه ما جلستى عنده هو ما بيتماد كذا إلا وهو مطمن إنه محد راح يعملو شئ قولى لوالدك إذا فى ذا الشئ ما ساعدتونى وهى حياتى فى إيش راح تساعدونى ؟
يختى إن وصلت إنه يضرب مافيه خير ..

شوفى أنا أقولك حاجه أعمليها وصدقنى راح ربى يفرج همك وينصلح حالك بس لا تقولى سويت أو إنو ما ينفع فيه خلاص جربى من جديد وتوكلى على الله وفوضى أمرك له ..
من اليوم وكل يوم صلى ركعتين قيام الليل وأدعى الله من قلبك إنه الله يختار لك الطيب وإن كان فى الرجل دا خير لك يصلح حاله ويغيرو لك وإن كان مافيه خير يصرفه عنك وعن ولدك بقدرته ومشيئته واستغفرى كثير أجعلى لك مسبحه فى يدك عشان ما تنسى الإستغفار ولا تنشغلى به اشغلى نفسك بالله ووالله الذى لا إله إلا هو راح ينجيك ربى بإذنه تعالى وأقرئى البقرة كل يوم ولا تستثقليها على نفسك فيها لك طمائنينة نفسى وفرج بإذن الله لا تشتكى
لأحد خلاص خليه شكواك لله هو المطلع على عباده وهو أرحم بهم من الأم على طفلها أعملى الشئ دا إذا مو عشانك عن شان طفلك ماله ذنب إنه يتشتت بينك وبينه حتى إن كان زوجك بطال فهو أبوه السبب فى وجوده بعد الله ..
صدقنى أعرف وحدة تعذبت مع زوجها عذاب وصبرت وكانت على دا الحال استغفار ودعاء وقيام والله تغير حالها وحاله صار أفضل ..مع إنو حالها وصل لمحاكم وجلسات تفريبا سنه لكنها كانت تتمنى ينعدل حاله وتعيش طفلتها بينهم الإثنين والحمدلله الله رحم حالها ..
انصحك لا تمرى على كلامى بدون ما تستفيد منه وتطبقيه ربى هدى الكافر للإسلام قادر يهدى زوجك ويحننو عليك ..
الله يغير حالك لأحسن حال ويفرج همك ويجعل السعادة ماتفارقك ويسر أمرك وأمر كل مكروب ومهموم إنه على ذلك قدير .. اللهم آآآمين ..