بنت الجوري

بيانات اضافيه [ + ]

رقم العضوية : 31919  تاريخ التسجيل :  10 2010  أخر زيارة : 17-07-2015 (06:03 AM)  المشاركات : 579 [ + ]  التقييم :  10  الدولهـ  الجنس ~

لوني المفضل : Antiquewhite

يسعدلي اوقاتكم جميعا

طبعا انا جديده بالمنتدى وقديمه بالرهاب

تقريبا لي عشر سنوات بعاني منه بس الحمدلله وبكل فخر ما منعني من الاختلاط بالناس بشكل كامل

دائما بتحداه وبعتبره خصم ولازم افوز عليه مع انه اوقات اتعب واعتذر عن بعض المناسبات بس ارجع واحارب الرهاب واختلط بالناس

ومع انه حرمني من اكمال دراستي في التخصص اللي احبه لاني ببداية اصابتي بالرهاب استسلمت وتعبت وتركت الدراسه وما كنت اعرف ايش اللي حصل لي بس من لما عرفت انه رهاب رجعت اكمل الدراسه بعد انقطاع دام لاكثر من 6 سنوات طبعا مع العلاج الدوائي والعزيمه والاصرار وقبلهم التوكل على الله

ودائما بحاول اتناساه واعتبر نفسي سليمه مثل باقي الناس وهالشي بيخفف عني كثير ويضعف الرهاب لدرجة احس اني فعلا مافيني شي

ومن وجهة نظري بخصوص الرهاب انا اتوقع انه مش مرض بحد ذاته بل هو نتيجه لمرضين وهم الوسواس والخوف

يعني : وسواس + خوف = رهاب اجتماعي

وانتو كلكم دائما تتكلمون عن الافكار السلبيه وانه لازم نتجاهلها وهالافكار السلبيه هي الوسواس

وايضا تتكلمون عن زيادة ضربات القلب بمجرد ما انك تتلقى دعوه لحضور مناسبه وهذا هو الخوف

واتوقع انه لو عالجنا كل واحد منهم على حده لما كان هناك شي اسمه رهاب اجتماعي

لانه الرهاب مجرد وهم ناتج عن الوسواس والخوف

فهل توافقوني الرأي ؟؟؟