الفول بيقول:
أنا ليك علي طول بس أنت تقول أنا عايز فول
تلاقيه في العز و في الأزمات من غيرطوابير من غير خناقات
من غير دنانير من غير دولارات
و عيالك و أنت و كله يبات متهني وراضي بنين و بنات
بس أنت تقول أنا عايز فول
الفول بيقول:
الفول ده صديق
و الفول ده برئ
و بيفتح جوه المعدة طريق
و يهد ضلوع جوه المفجوع
و يسد الجوع يمكن أسبوع
و يعدي و لو في متين مشروع
بس أنت تفكر في الموضوع و بسرعة تقول أنا عايز فول
الفول بيقول :
من غيري يا صاحبي حتعمل أه
حتقولي حفطر شاي و باتيه
و أتغدي كباب و أتعشي فليه
طب بكرة يا صاحبي حتعمل أه
طب بعده إزاي تتصرف فيه
ده الفول يستاهل حمد عليه
أدعيله يا شيخ رب يخليه
أدعيله يا شيخ رب يخليه