نفساني - عرض مشاركة واحدة

26-01-2010, 12:22 AM

السلام عليكم ورحمة الله وبركاته

اخواني واخواتي الكرام قصة اعجبتني وحبيت اشارككم فيها وارجو ان تحوز استحسانكم ..

يقال انه شيخ قبيلة تزوج من فتاة جميلة من قبيلة اخرى وكانت قبائل البدو سابقا تنزح من مكان الى مكان لا تستقر في مكان ثابت بعد عدة سنين حصل بين القبيلتين اللتي تناسبت خصام .. بعد فترة قام اخو البنت اللي تزوجت شيخ القبيلة بمحاولة لغزو البهم ( الغنم والجمال ) وقال لاخته ابي اغزي على البهم واذا جيت ابي اعوي كني ذيب وعلميني وين محلها علشان اخذها..
بالليل جا اخو البنت وعوى قريب من بيت الشعر وسمعته اخته وخرجت من البيت وقالت:

ياذيب ياللي جر صوتن عوى به مدري ضمى والا من الجوع ياذيب
ياذيب لا تطردك عنا المهابــــــه طرش العرب ياذيب كله عوازيـب
الى ان قالت بوصفها : في فيضة السرداح وان تهت يا ذيب

سمعتها امرأة طاعنة بالسن وتوقعت انها تواعد رجل غريب وقالت:

يابنت حذرى لا يعضك بنابــــه تري معض الذيب مابه تطابيب

ردت البنت عليها تنفي ما اتهمت فيه وقالت:

وحياة جلاب المطر من سحابه اني برية ما بعد عضني ذيب
ويالله من لامني في شبابــــه تحدره من عاليات المراقيب
انا كما عذ عذي شرابـــــــــــه ما تارده بالقيض حرش العراقيب

العذ العذي : نقع الماء الصافي
حرش العراقيب : سفينة الصحراء ( الابل)

ارجو ان تكون مشاركتي خفيفة عليكم
تحياتي ..

المصدر: نفساني