21-05-2009, 10:01 PM
|
#1
|
|
عضو نشط
|
بيانات اضافيه [
+
]
|
|
رقم العضوية : 27838
|
|
تاريخ التسجيل : 05 2009
|
|
أخر زيارة : 01-11-2009 (10:32 PM)
|
|
المشاركات :
97 [
+
] |
|
التقييم : 10
|
|
|
لوني المفضل : Cadetblue
|
|
مقيده بالحجاب
بعد التحيه:
اول مره اتكلم فيها عن معاناتي فأنا اعاني من هوس نتف الشعر وانا عمري 14 سنه وانا الان 26 سنه ...
للاسف كل ما بتذكر كيف كان شعري وكيف صار احس بخنجر تطعن في قلبي ..كنت وبلا مبالغه اجمل شعر والكل يضرب بشعري المثل..المهم من ثاني متوسط الكئيب اتعرضت لمشكله هزتني وماادري هل هيى السبب ام مثل ما بتقول امي عين وحسد..
صرت انتف شعري واتلذذ بهالشي عوقبت من امي و ابويى وصاروا اللي حواليى يتريقوا عليى تأزمت نفسيتي صرت شبه صلعاء قررت البس حجاب بالمدرسه وبسبب هالحجاب دخلت نفسي بسجن ما قدرت على تحملها و صهرت شخصيتي بقالب لايمثلني نهائي بسبب الايشارب اللي لابستو وبسبب نتف الشعر.
تريقه,همز ولمز,نظرات شفقه كل هذي المعاناه جاريتها الى ان كملت دراستي والحمدلله من حسن حضي مجال عملي يوجب عليى الحجاب والا كان دخلت بمسأله عويصه ...
اعتبر نفسي شجاعه اني كملت دراستي بالرغم ويشهد الله ضغوط نفسيه ما تتخيلوها عانيتها بس للاسف بالمقابل صرت جبانه ما قدرت حتى اواجهه الناس فضلت العزله والانطوائيه ولا اطلع للناس اخاف يسئلوني ليش لابسه كذا وايشبو شعرك منتف كذا..
ماني قادره اسيطر على نفسي والله العظيم لجئت الى حلق شعري بالموس مرتين والان افكر احلقه للمره الثالثه..
الهوس اللي معي دمر حياتي وعدم ثقتي بنفسي بسببو مااقدر اطلع للناس واتهمت بالانطوائيه بسببو مااقدر افرح بالمناسبات واقلها الاعياد بسببو رفضت الاشخاص اللي اتقدموا لي وفضلت اصير عانس مجبره وباختياري اخاف احد يدري بمشكلتي واصير علكه بحلوق الناس وبالذات انهم يتهموي بالغرور لاني ما اختلط فيهم وماهم داريين اني مجبره مو بكيفي.
ماني عارفه ايش اسوي اروح للشيخ والا اروح للدكتور ؟؟ مع العلم انه البلد اللي انا فيها صغيره ومافي الا اخصائيين نفسين يتعدوا على الاصابع ومااقدر اجازف بالروحه لهم لانهم يعتبروا زملاء عمل ..اخاف ينتشر موضوعي وانفضح.
لكل بنت تعاني من هوس نتف الشعر والله العظيم انه ابتلاء من الله واكبر ابتلا وربي حاسه فيها...والله يرفع عنها هذا الذاء
ولكل اب وام اذا حسو انه ابنائهم يعانون من ذي الحاله يعالجوهم بدري ولا يسوون مثل امي وابوي اللي طنشوا موضوعي واكتوا بس بالتعنيف وبالاخير صاروا يشفقون علي ويجرحوني بنظراتهم اللي لسان حالها متى نشوفك مثل بقيه بنات الناس ....
ادعوا لي وبنفس الوقت ياريت اللي كانت تعاني من هالداء واتشافت تقول لي ايش سوت ولمين راحت...
|
|
|
|