المشاركة الأصلية كتبت بواسطة جرح الناس

اكيد انا بحاول اغير حياتى بس للأسف مش عارفة , انا خريجة كلية تجارة ومعايا دبلومة فى المحاسبة وعايزة اعمل ماجستير , بس انا مش عارفة انا عايزة ايه اصلا , اهلى دايما معترضين على كل حاجة حتى الدبلومة اللى عملتها كانت بمشكلة وكل يوم فى سنتين الدبلومة كانت بخناقة مع اخويا , وطبعا هما معترضين انى اكمل واعمل ماجستير بس انا بحاول هو اصلا ماكنش فى دماغى بس انا عايزة اعمل اى حاجة احس ان ليها قيمة وفايدة , وطبعا اكيد نفسى اشتغل بس انا لسه ماشتغلتش وبرضو اخواتى معارضين انى اشتغل ولما بحاول اقنعهم يقولولى طيب لما تلاقى شغل وفى نفس الوقت مش عايزين يخلونى ادور على شغل او حتى هما يجيبولى شغل , هما بس بيقولولى لماييجى , بس طبعا هو هييجى ازاى طالما مش عايزنى ادور, غير انى مش بشوف حد ابدا ولا اقدر اشوف اصدقائى ولا حتى ازور اقاربى يعنى ممكن ماانزلش من البيت بالشهور او سنة , يعنى مش عايزنى اتحرك من البيت كل حاجة ممنوعة