نفساني - عرض مشاركة واحدة

12-04-2009, 07:12 AM

بسم الله الرحمن الرحيم
السلام عليكم جميعا :
أنا كتير مضايقة ومحبطة وكتير حاسة بالوحدة ودايما ببكى كتير لوحدى بسبب او من غير وحاسة ان الدنيا مافيهاش أى شىء كويس وعلى طول حاسة ان مافيش حاجة عايزاها بتتحقق ودايما خايفة من بكرة وقلقانة , غير انى حساسة كتير ومش بأقدر اتحمل حد يضايقنى او يزعلنى نفسى اغير حياتى بس فى ظروف تمنعنى من انى احاول اكون احسن ومافيش حد بيقف جنبى ابدا , دايما الاهل فاهمين غلط ومتخيلين ان طالما ولادهم عايشين وبياكلو كويس وبيشربوا كويس خلاص يبقوا مش محتاجين حاجة , مش لاقية حد يفهمنى او يفهم انا عايزة ايه وعايزة حياتى تكون ازاى دايما مجبورة على حياة مش حباها ولا عايزة اعيشها لحد ماخلاص حاسة انى مش عايزة اعيش ولافارق معايا انى اموت الحاجة الوحيدة اللى بفكر فيها انى مااعملش حاجة غلط عشان لما اموت اكون مرتاحة , كتير فكرت انى اموت نفسى بس خايفة من ربنا , انا مش بعمل حاجة غلط زى اكتر الناس ومش عايزة اموت كافرة , بس انا اتمنى لوفضلت حياتى كده ان يكون عمرى قصير , انا مش قادرة الاقى حل ازاى اقدر اعيش حياتى واحقق اللى بتمناه من غير ماحد يقف قصادى , ليه دايما الاهل شايفين ان كل حاجة غلط ليه كل راجل يقدر يعيش حياته زى مايحب والبنت ممنوعة من انها حتى تحقق احلامها البسيطة اللى بتتمناها , انا اتمنى ان الاقى رد على رسالتى ورأى يقولى اعمل ايه اعيش كده وخلاص وانا مش حاسة انى عايشة ولا اعترض على تصرقات اهلى واعمل معاهم مشاكل زى كل مرة مابيحصل وبرضو مافيش نتيجة ولا انتحر واغضب ربنا واخلص من كل الناس والدنيا واللى حواليا, قولولى اعمل ايه

المصدر: نفساني