29-12-2008, 10:23 PM
|
#6
|
عضو نشط
بيانات اضافيه [
+
]
|
رقم العضوية : 20806
|
تاريخ التسجيل : 08 2007
|
أخر زيارة : 23-04-2010 (11:53 PM)
|
المشاركات :
92 [
+
] |
التقييم : 10
|
|
لوني المفضل : Cadetblue
|
|
السلام عليكم
انا كان عندى نفس مشكلتك بس الكلام ده من فتره طويله المشكله بدات معاى من صغرى واستمرت حتى ما وصل عمرى 18 سنه وكانت اكتر بتضايقنى لما اتكلم ان الناس كان بيقطعوا كلامى فى نصفه ده كان بيقلل ثقتى فى نفسي بس الحمد لله المسكله دى قلت خالص دلوقتى من خلال تجربتى دى هاديك بعض النصايح انا حاسس من كلامك انك يعنى شويه شخصيتك تحتاج لبعض النضج موضوع ان الناس كلها بتكرهك ده مش صح دى فكره سلبيه لازم تنزعيها من راسك احنا الى فى ايدينا نخلى الناس تحبنا او تكرهنا واول نصيحه لك عشان الناس تحبك ان الابتيامه ما تفارق وجهك حتى فى اصعب المواقف صدقينى الناس بتحب الوجه البشوش المبتسم وبتقول عليه وجه مريح حاولى لما تتكلمى تتكلمى بهدوء وبصوت هادىء لانك واضح انك بتبقى مشدوده اوى وانتى بتتكلمى وده طبعا من الخجل وده بيسيب انطباع مش كويس حاولى كخطوه اولى انك ماتبدتيش تتكلمى فى جمع كبير ده مش مستحب فى الاول ابداى بانك تختارى حد من زمايلك يكون معروف عنه انه طيب وفى نفس الوقت بيكلم كتير وافتحى معاه اى موضوع وطبعا هو بطبيعته هايتفتح فى الكلام ومش هيتقفل وانتى بس كل دورك انك تعلقى بكلمه او تقولى راى سريع فى كلامه وحاولى ما تقاطعهوش كتير علقى بكلام بسيط اوى وصدقينى من مره او اتنين هتبدى تاخدى ثقه فى نقسك وده هيخليك ممكن تتكلمى فى جمع من الناس وبرده لو فى ناس كتير ممكن تبداى الكلام من خلال موضوع عام وتختارى موضوع يكون مهم ويشدهم مثلا تقولى سفتم الى بيحصل فى غزه ده انا شفت فى التلفزيون حاجات فظيعه وتبداى مثلا توصفى الى شفتيه (وادعوا الله ان يخفف عن اخواننا فى غزه ويرفع عنهم البلاء) طبعا كله هيشترك فى الموضوع وانتى هتعلقى معاهم براى او جمله وحاولى ما تكثريش فى الكلام على الاقل فى الاول لغاية لما تزيد ثقتك فى نفسك واكرر حاولى للناس صوره عن نفسك انك كويسه من خلال الابتسام وان لما يكون حد بيتكلم معاك تبينى له انك مهتمه بكلامه جدا وكمان انك تعملى معاهم مواقف كويسه يفتكروك بها وبالنسبه لزوجك الله يهديه لازم تفهميه انك محتاجه له وانه لازم يقف جنبك قوليله مثلا انا باحبك وعشان انا باحبك عاوزه احسن من نفسى وده مش هيحصل غير لو وقفت لانك لو ما وقفناش مع بعض فى المواقف الصعبه هنقف مع بعض امتى واتمنى من الله ان يخفف عنك واسف على الاطاله وان كلامى غير مرتب واتمنى من الله ان اكون قد قدمت لك بعض العون
|
|
|