جنا

بيانات اضافيه [ + ]

رقم العضوية : 2540  تاريخ التسجيل :  09 2002  أخر زيارة : 10-06-2003 (05:23 AM)  المشاركات : 125 [ + ]  التقييم :  10

لوني المفضل : Cadetblue

اخوي صوت الشباب ......... اشكرك كل الشكر . لتجاوبك وردك بهذي السرعة .. وهذا والله يسعدني كثير .لانه يحسسني ان فيه احد واقف معي يساعدني للتصدي لمشكلتي. واشكرك على كلامك الي كله درر.نابع من شخص ذو عقلية واعية ومثقفة.

يااخي. انت قلت انتي اعرف بنفسك ان كنت بحاجة لشيخ . او دكتور. طبعا في الحالة يوم كانت في هيجانها .رحت للشيخ الي قال:( ترا فيها نفس موجن والي يتكلم عادي قرينها مثل ماكلم الرسول قرينه . المهم هي تكبت لاتخلونها لحالها خلوها تحاول تتكلم مع غيرها .) ....
في المرحلة الثانية من حالتي بعد اربع سنين وكانت لحظتها تم تشويه سمعتي من قبل صديقات كانوا لي.فهذا اثر علي كثير لاني المصيبة ماسويت شي من الي يقولونه ..فحسيت فيها بالظلم انجرحت جرح ماندمل مع السنين قعدت افكر بابوي واخواني انهم اذا طلعوا برا البيت واثقين من نفسهم واثقين من اهلهم والناس تتكلم من وراهم بناتهم قليلات ادب . راعيات شباب.. المهم وقتها اتكلت على الله وفكرت بمنزلة المظلوم عند الله . لكن صار فيه تطورات لحالتي وكلمت شيخ على التليفون وقال ان هذا نفس وان الاشياء الي تسويها زي رسم الصليب هذا من تاثير الافلام عليها المهم عطاني مويه مقري فيها وفيها سدر . وزيت زيتون مقري فية. وقال تتسبح فيه وتشرب منه . وتتدهن بالزيت قبل ماتنام . اذا حصل لها شي جيبوها اقرا علها . ماصار لي شي اللهم ضيق تنفس وكتمه. ( يعني رحت للشيوخ وهذا ردهم علي.. المصيبه مانكر الشيخ اني اكتب واني اسمع وقال هذا قرينها... لذا قريت عن الرقية وعن الجن . واذكر منه انه من الممكن ان يكون هناك فجوة يستطيع القرين او الجن يدخل في الانسان ويقدر انه يتكلم بلساته دون ان يتلبسه تلبس كامل .

فياصوت الشباب انا انساته متكله على الله والحمدالله رغم اني انسانه حساسه وعاطفيه الى اني دائما احكم عقلي في كل شي واتامل في كل شي فانا موقنه ان هذا قضاء الله وقدرة واني احتسب كل الي يجيني الى الله . فلو ماكنت كذا كان شفتني الان في مستشفى شهار..

وانا قررت اروح الدكتور لكن مادري وش اقول لامي وشلون افتح معها الموضوع من جديد .رغم ان امي متعلمة وواعية وهي الي كانت تصر علي في اول الامر اني اروح للدكتور لكن الظروف ماسمحت .بس منعقد لساني ماقدر اكلمها وشلون ابدا معها وهي تستنى عريس الغفلة ! ّّ!!! اخاف تنصدم
المصيبة ياصوت الشباب مستحيل احد يفهمني لو تكلمت لبكرة . يجري فترات احس اني محظوظة باني عرفت عن العالم الثاني الخفي واني اقدر اكتب بيدي كلام مو انا الي كاتبته والحمدالله انا طبيعة جدايعني هذا الشي مو مخليني ماتحكم بنفسي او اني مجنونه
لكن انا مليت ودي اكون انسانه طبيعية مثل الناس .وهذا الشي ماثر لابدراستي ابدا رغم اني امر مثلا في وقت الامتحانات الا اني انجح . ويجيني احساس واتمنى انه انشاء الله حقيقة بان الله يحبني .
بالرغم من صغر سني لكني مريت بظروف ومواقف صعبة جدا .وغير مشاكلي الخاصة الناس يبلوني بمشاكلهم فوالله الكثيرالكثير اعرف اسراهم الخاصة عشان كذا تعبني هذا زيادة .فانقهر واقول ليش انا بالذات ليش . تخيل رغم الاسرار الي اعرفها منهم لكني دائما احس اني انا في الدرجة الثانية من الاهمية يعني انا بس لاحزانهم ومشاكلهم اذا ضاق خلقهم يكلموني ويقولون لاتقولين لاحد . انا مستودع اسرار متنقل لهم.
وعانيت من صديقاتي فدائماا ذوق المرارة منهم بالرغم من اني اجتماعية ومعارفي كثير
لكن ماعندي صديقات وفيات وخاصة في مرحلة الثانوي . ولكن صديقات الجامعه كانوا احسن صديقات لي لكن مهما كان مثلا ممكن تقول اني حساسة بزيادة لكن الله باليني مثلاوحدة من صديقاتي كانت مقربة لي وكنت دائما اكلمها عن حياتي والي يضايقني انخطبت وكنت اكلمها وماقالت لي وحسيت انها متغيرة وسالتها قالت بعدين ومن بكرة وحدة من صديقاتي قالت لنا الخبر طبعا انا فرحت لها لكن انصدمت ليش ماقالتلي وقالت لها ... وبرضوا الثانية نفس الشي جانا الخبرمن انها تملكت مو انخطبت ومادريت الا من صديقتي الثانية وانا مكلمتها من فترة وماقالتلي شي. واشياء كثيرة لو قلتها كان عبت الاف الصفحات وتعتقد اني قلت لاحد ابدا ولاتكلمت لاحد ابد . حتى من ناحية المكالمات مكالماتهم قليلة وانا معظم الاوقات الي اتصل عيلهم فامي دائما تقولي ليش انتي الي تتصلين وهم اذا اتصلوا مايتصلون الا لغرض.. ودائما الفق الاعذار لامي.
ودائما اقول لنفسي هل العلة فيني انا ...رغم ان الكثير قد صرح بان المشكلة ليست فيني ..اوالدنيا الي تغيرت وماعاد فيهالصديق الوفي ...طبعا فيه ومانكر وانا صديقاتي ماعليهم لكن ماصار فيه احد تقدر تؤمنه على اسرارك...
هذي جزء من مشاكلي غير المشاكل الىي اسمعها من الناس الي تخلي الواحد يفكر ويقول ان الدنيا خربت هذي الاسرار ماخلتني اثق بااحد . مثلا انصدم باشخاص احترمهم جدا بان لهم علاقات محرمة....وهذي مثلا عن زوجها وعن مشاكلهم وتقول قولي لي ايش اسوي . وهذا يقول عن زوجته نفس الشي ومشاكلها وقولي ايش اسوي ... وبعدها كل الكلام لاتقولينه لاحد وانسيه .شلون يبوني انسى وشلون......

رغم كل هذا انا الحمد الله متكله على الله وان الموته وحدة ... لكن يجيني خوف من الكبت بسبب انه يؤدي اللى امراض عضويه خطيرة......

ومن ناحية الرقية كان باستطاعتي اني اروح للشيخ من فترة لكني ماطلبت لاني حسيت بالخوف حسيت بانه بيجيني مثل المرة الاولى صراخ وهبال...حتى اني ماودي اشرب المويه المقري فيها اخاف تحوم كبدي ... زي الي جتني عقدة.وخوف باني ارجع مثل الاول...... ومن ناحية ارقي نفسي فانا يجيني ملل وعجز وماودي اقرا .. والورد بعد اداوم علية لكن يجي فترات ماقراه ملل وعجز غصب عني حتى اعتقد اني سامعه ان الي يشوف الجن في النوم يعني انه شافهم في الحقيقة يجفي فترات ماقرا عشان كذا غصب عني...
انا دارية اني ازعجتك بكثرة كلامي لكن مادري وش فيني اذا بديت اكتب عن مشكلتي اشوف نفسي اكتب معظمها فاعذرني ....... واسفه على الاطالة.....