نفساني - عرض مشاركة واحدة

24-10-2008, 01:16 AM

أشكرك اختي من أعمااق قلبي وربي يسعدك ويوفقك دنيا وآخره ..

أهلي مايدرون عن هالشي.. امي دايم تحس ان نفسيتي تعبانه ودايم تقولي لاتتعبين نفسيتك بأشياء تافهه ..

ومره خالتي تكلمت معي لأنها شافت حالة العصبيه اللي جات لي وقالت لي مايصير كذا..
لكن مامره صارحت اهلي بهالشي.. ومااظن عندي الشجاعه اني اقولهم أبغى أروح دكتور نفسي.. لا مستحيل ماعندي الشجاعه لهذا الشي ..

اما عن الموت لا ماأفكر بهذا الشي.. لكن دايم قبل لا أنام اقول جمله.. ياليت انام ماأجلس.. يمكن أقولها من تعب البكي قبل لاانام والتعب اللي أحسه ..
حتى يوم حاولت الإنتحار ماكان في بالي اني أبغى أموت كنت قاعده أبكي وفجأه حسيت اني تعبت بالحيل ومو قادره أتحمل ورحت واخذت الحبوب وفي المستشفى يوم جاني الدكتور النفساني سألني وقلت له ان مافكرت في الموت بمعناه فقط للتخلص من التعب اللي في داخلي..

صدقيني تعبانه بالحيل..
أمي ملاحظه ان اكل ماآكل الا القليل واذا اكلت أحس بغثيان ..

بس صعبه أقولها أبغى دكتور نفسي.. وتدرين نظرية الأهل للدكتور النفسي..
وخاصه ان امي تعرف السالفه لكن أبوي مايدري بالسالفه لين ألحين فإذا درى ان أبغى اروح دكتور نفسي بقول لي وش بلاك عشان تبغين تروحين ..؟

وهذي هي المشكله ..