نفساني - عرض مشاركة واحدة - وردة الحب الصافي،،،،منكم،،،لكم،،،ومعكم،،،،!!!

14-10-2008, 01:45 AM

الهانم صاحبة الصفحه ...
الهوانم والبهوات المُشاركين فى الصفحة ...
كل الزائرين ....
أسعد الله صباحكم ومساءكم بكل الخيرات والبركات ؛ ويارب تمنح الصحه
والعافيه للجميع ؛ وتوفق كل الطُلاب والتلاميذ ؛ وتريح بال الحائرين ؛ وتجيب
كل السائلين ...
اسمعوا بقى ....
انا عندى موضوع عايزكم تشاركونى فيه ...
يمكن يبان انه بسيط ومايستهلش للى ماتعايشش معاه ؛ لكن اللى جربه
وعانى منه شايفه كبير ويستاهل ...
إيه هوه الموضوع ده ؟؟؟
طبعاً كلنا نحرص على البر بآبائنا وأُمهاتنا بكل أنواع البر وألوانه ....
بس فيه لون غريب شويتين ...
عارفين إيه هوه ؟؟؟
تسمية الإبن الأكبر أو الإبنه الكبرى بإسم الأب أو إسم الأُم ( يعنى الجد
والجده )
وبتبقى المشكله باينه لما تبقى الأسماء دى قديمه ومُنقرضه ومحدش
بيتداولها دلوقت ؛ ومثال لما عندنا فى مصر :
للجد : شحات / شتا / جلدانى / مخيمر .. وأسماء من العينه دى
وللجده : ست أبوها / قدم الخير / حلاوتهم / كايداهم .. وأسماء برضه زى كده
وتلاقى فى بلادكم من النوعيه دى كتير .....
والغريبه إنهم بينادوا الطفل أو الطفله فى الصغر بأسماء الدلع :
فتجد : ستوته يقال لها : توته .. وتجد :حلاوتهم يقال لها : لولا .. وهكذا ...
وعند دخول الطفل المدرسه يُفاجأ باسمه الحقيقى ؛ ويُفاجأ بسخرية
الزملاء منه ..... وعلى حين تُنادى هذه وتلك بأسماء مثل : رنا / رشا /
رانيا / ريهام ؛ تُنادى المسكينه بما ذكرته من أسماء قديمه .. وتبدأ رحلة
تغيير الإسم ( وفيها مافيها من مشااااق ! نقرتين لعرض الصورة في صفحة مستقلة

ليتواءم مع المجتمع
السؤال بقى :
هل هذا النصرُف يُعد من ألوان البر بالآباء ؛ أم يُعد ظُلم للأبناء ؟؟؟
ومشكورين لمشاركتكم ؛ ولو بالقراءة بس ......