ام احمد

بيانات اضافيه [ + ]

رقم العضوية : 2272  تاريخ التسجيل :  08 2002  أخر زيارة : 04-05-2009 (01:16 AM)  المشاركات : 366 [ + ]  التقييم :  10

لوني المفضل : Cadetblue

بسم الله الرحمن الرحيم

اخي عبياني .. كيف حالك .. الحمد لله على سلامتك

انشاء الله صرت احسن ..( ما اجيد الكتابه بالعربيه الفصحى مثلك .. عيني عليك باردة .. افضل الحساوي )

المهم والله لك وحشه .. افتح على المنتدى 10 مرات في اليوم ادور عليك !!!!

واذا ما شفتك .. اسكّر واقووم ...

الحين الساعه 2:15 الظهر .. الحمد لله تغدينا .. وهذا انا شفت موضوعك و قعدت اكتب

الرد على طولللللل!!!

اخي في بعد سؤال .. متى بدأت اول اعراض الاكبئاب .. يعني كم كان عمرك؟

ثانيا .. الله يخليك حق اهلك ويطرح فيك البركه.. ويخليهم لك انشاء الله

على فكرة .. صرت اخذ حبتين سيروكسات .. بقول لك بعدين عن الاخبار!!!

في نقطه مهمه جدا ما ذكترتها لك .. الظاهر اني بكتب لك مذكرات حياتي

وش تنصحني اخي .. اطبعها وابيعها!!!- والا اسويها مسلسل تلفزيوني!!

النقطه اللي نسيتها هي ان ابني الكبير قبل لا يصير الحمل الرابع تعرض

لحادث .. مو حادث سيارة .. شيء مؤلم .. ما في داعي اذكرة..

المهم هذا الحادث هزني بعنف واضطريت على اثر هذا الحادث

اني اقاطع بعض الاقرباء لي ,... صار قيل وقال ... وتعرف كلام النسوان الحساويه بالذات

المهم صار علي ضغط نفسي كبير.. واشاعات .. وبدأت فعلا اشعر بأني 100% مو طبيعيه

مو ذيك هناء اللي تحب المرح والمناسبات والطلعات والعزايم

صرت اتجنب مو بس الناس اللي اساؤا لي .. لا .. كل الناس

اشعر اني متوترة اذا كنت بقابل احد ... كنت اقول يمكن من الاكتئاب

بعدين صار الحمل الرابع واستمرت نفس الضغوط ..

ولدت .. لا .. هني زاد كثير الاكتئاب!!! والخوف من الناس

كنت في قلق .. مخي دائما شغال .. دائما افكر .. وش فيني .. ليش عندي هالشاعر!!!

متلخبطه على الاخر .. ما كنت اشتكي ... كنت اقول فترة وتعدي ....

ندامانه يا اخي على عدد شعر راسي .. اني تأخرت جدا على الروحه الى طبيب!!!!

اخي.... اقول ليش ما اطيب بسرعه .. معقول .. اكتئاب اكثر من 15 سنه ابغي اطيب في وقت قصير ..!!

استاهل .. اللي يجيني ..

اود ان اوجه كلمه للقراء الاعزاء .. اسرعوا بالذهاب الي الطبيب اذا شعرتوا انكم مو طبيعين في خلال اسبوعين

مو اكثر .. والله كل يوم تأخير .. يبغيله سنه علاج !!!!

المهم... موضوع ابني هدأ ..لكن بعد ايش .. بعد ما راحت اعصابي .. وانهديت

والجماعه اللي صار وياهم الموقف .. وقفت وقفه حق معاهم وعرفوا ان الله حق

لكن بعد ما خسرت اعصابي .. اللي ما راضيه ترجع!!

كنت دائما اشعر بحزن شديد ... في بعض الاحيان يخف لكن ما يروح

كنت اشعر بخوف شديد بدون مبرر

كنت استغرب من هذا الشعور ؟؟ليش اشعر بخوف

وهذا يزيد في اكتئابي..

سنتين على هذا الحال الخوف من الناس والخوف بدون مبرر بعض الاحيان يوصل

الى درجه الهلع ..هني ابغي اوصف لك هذا الشعور

فجأه اشعر اني راح يطلع لي اسد او وحش

احس لو يذبحوني ما يلاقون فيني نقطه دم

يتوقف النفس بالكامل .. اخيرا اشعر اني راح اموووت لا محال

تستمر هذه الاعراض تقريبا لمده دقيقه .. اوصل اني ابغى اصوت علشان

ينقذوني ..!!!حصل لي هذا الشيء بهذه الشده مرتين اذا مو اكثر

اخ لو تدري وش صار بعد السنتين .. صار لازم اعتني بمرأءة مريضه نفسيا..!!!

هني صارت الطامه الكبرى..

الي اللقاء في الحلقه القادمه !!

أي على فكرة .. صرت مرتاحه جدا على الحبتين ,,

عبياني ..ترى ها على مسؤليتك اذا صار فيني شي

انتظر ردك بفارغ الصبر .. واستمتع وانا اقرأ كل كلمه تكتبها

بالعكس ما تثقل علي ابدا..

اختك الكبرى.... ام احمد