نفساني - عرض مشاركة واحدة

11-08-2008, 01:19 AM

حبيبة قلبي همس انثى

ماتدرين شلون تاثرت لما قريت

حاااااسة بهالشي يوم تهدمين احلامج بيدج غصبا عنج

مو بكيفج,.. والله حاسه ومجربه

بس الفرق بيني وبينج

اني اذكر مرة كنت بصف اول اعدادي صغيره وجاني اكتئاب

وكنت خلاص بستخف .. غبت بالاسابيع وابوي قال لازم ترتاحين سنه
عقب تكملين دراسه

اول شي فكرت فيه .. اني لازم اقاوم عشان محد يستهزا فيني

لازم اتجرا

لازم اكون اقوى من جي

وفعلالالا ضغطت على عمري

حتى كنت اداوم وملابسي كلها ماااي.. كنت قبل لا اروح المدرسه

اروح عند مطوعه تقرى علي وكانت تكت علي ماي مقري عليه

لين الحمدلله تجاوزت هالمرحله وخذت نسبة عاليه جدا ورشحوني

لارقى المدارس عشان اكمل دراستي

واحمد ربي ماتراجعت خطوة وحده واستسلمت للي فيني

حبيبتي همس /

صارت معاي نفس السالفه..هالسنة بالجامعه

اول كورس وتوه كان بادي معاي الاكتئاب

قلت بحذف الكورس وباطلع

بس فكرت لوهلة ان لو طلعت شبستفيد غير اني

بقعد افكر في المرض اكثر واكثر..

ياقلبي..

انتي محتاجه علاج دوائي.. انتي تتعالجين

ومحتاجة ايضا جلسات نفسيه .. يبيلج حد يدفعج للامام

يا همس اول خطوة هي ان لازم تطبقين الللي يقولونه لج بالجلسات

النفسيه

ولازم تسجلين بالجامعه من اول ويديد الكورس الجاي بما انج صغيره

لاتفكرين بكلام البنت.. يمكن الله نزلها لج عشان تدفعج للامام

وعسى ان تكرهوا شيئا وهو خيرا لكم

جربي منتي خسرانه شي

قريبتج .. انسي كلامها..جا اليوم اللي لازم تفكرين فيه بنفسج

الله يقول: اسعى ياعبدي وانا بسعى معاك

اسعي وجاهدي وروحي الجلسات النفسيه... خذي الدواء

ادعي ربج بنص الليل يوميا ..

ادعي وتوكلي.. على ربج

سجلي بالجامعه وتوكلي على الله .. قولي اللي بيصير يصير

ساعات انا تعبانه والله ادش المحاظرة واقول فقلبي توكلت على الله

واللي فيها فيها ,,

شبيصير يعني بنموووت ؟؟

صح اني خذت انذار عشان معدلي نازل

بس للحين عندي فرص لازم استغلها

حياتي استغلي وقتج .. لان الحياة فرص !!

سوري عالاطاله

اختج : الدنيا حلوة