هاااايدي

بيانات اضافيه [ + ]

رقم العضوية : 24346  تاريخ التسجيل :  05 2008  أخر زيارة : 03-06-2008 (11:37 AM)  المشاركات : 55 [ + ]  التقييم :  10

لوني المفضل : Cadetblue

أول شي // مرحبا
وثاني شي // ماحب أتكلم بالفصحى أحس أني مقيده أحب أعبر بالعاميه أكثر مع أن أغلب خواطري بالفصحى _914ثالثا // ثانكيو لصاحب الموضوع
رابعا // راح أعرفكم على نفسي خريجه جامعيه حديثا
عمري 24 سنه و 9 شهور و 25 يوم
بطبعي مرحه وأحب الحياة حيل أحب أروح وأجي وأحب الناس وأحب الهذره وساعة الصدر
وبالجانب الآخر أحب أكون بروحي بأوقات رومنسيه لأبعد الحدود وحساسه لأبعد من الحدود _
مشكلتي ناعمه حيل ودلوعه حيل (( يمكن تاخذون كل كلامي بعد كذا من منطلق الإستهزاء بس والله العظيم أعاااااااني ))
بفترة بلوغي كنت أقابل بأستهزاء شديد من أهلي وقرايبي من دلعي ونعومتي ((طبعا بعد ماطلعت حليمه بولند وطقتها صارو اللي كانو يستهزئون مني يقلدوني ويحاولون يكونون مثلي ))
بس المشكله أني صار عندي مشكله بالتواصل مع الناس الغرب والأماكن الجديده علي وخاااااااااااصه إذا صارو أهلي معي
مثلا بروح لزواج تكون عندي رغبه شديده أني أروح وبالفعل أطلع على قولتهم فتنة الحفل وأمشي بكل ثقه ((( ثقتي بمشيتي هي اللي ما أهتزت _ ))))) بس المشكله التوتر الداخي والرعشه بيدي وبفمي إذا تكلمت أو ضحكت خاصه وتكون برجلي بس أسيطر عليها
طبعا الرهاب كان عندي من فترة المتوسط ونفس حالة أخوي ثامر متفوقه جداااااااا وتراجع مستواي وبالدف والدفدفه أخذت الكفائه بعدها جلست سنتين ورقتني أمي عند راقي شرعي ورجعت للدراسه منتسبه وتخرجت من الثنوي بنسبة 86% بعدها تعززت ثقتي بنفسي ودخلت معهد حاسب آلي لمدةكورس واحد كنت حديث المعهد بحضوري وثقافتي وإطلاعي بس ماكنت أدخل مع الكل يعني الناس الي يعجبوني _
<<<<<<<< مزاجيييييييييييه
وبعدها دخلت الجامعه وتقريبا رجعت لي مشكلتي أحس عندي شي ودي أوصله بس عجزت ودي أكون فعاله لأن هذي طبيعتي بس كنت أكتفي بالصمت وما أبدي رأيي ألا إذا طلب مني
عديت سنوات الجامعه بالهدوء أهتميت بشكلي الخارجي
على فكره كلما كنت أحلى أحس بثقه أكبر عشان أندمج مع غيري حتى لو كان الغير شخص واحد
حتى لو كنتم بروحكم حلو تكونون حلوين من برى ومن جوى
كانت عندي الأزمه في الجامعه آخر كورس كان عندي تدريب ميداني الي هو تدريس طالبات المرحله المتوسطه
كنت قلقاااااااااانه بس حاولت هالأمر مايعيقني
جلست أردد بعض الكلمات التشجيعيه مثل
أنا رائعه
أنا مميزه
أنا مبدعه
أنا واثقه من قدراتي بالتالي واثقه من نفسي
وأرددها خاصه قبل النوم وأبدا بالإستغفار لحد ما أغفى وأحيانا أستهلك ساعتين من القلق على ما أنام
مع قراءة سورة البقره قبل يوم التدريب أقراها كاااامله وبجلسه وحده
وأنا في طريقي للمدريه أسبح
وإذا دخلتها أقول دعاء // اللهم أدخلني مدخل صدق وأخرجني مخرج صدق وأرزقني من لدنك سلطانا ووليا ونصيرا
وآآآآخذ ثلاث أنفاس عميقه ومع كل زفي أتخيل كل التوتر طلع
والحمد الله كانت تجربتي ناااااااجحه جدا برغم أني عانيت من رعشة اليد كثير وكانو البنات يراقبون ايدي بس حولت اظهر وكأن الأمر طبيعي جدا ومو هامني أكتب عادي برغم أن خطي مايطلع حلو والقلم يرتعش بيدي بس مايهمني أضغط على نفسي
في حصه من الحصص كان فيه مجموعة بنات من جية المدرسه وهم نظراتهم مو طبيعيه للأماااااااااانه خفت منهم وأنا أشرح جفت شفايفي ومعد قدرت أتكلم أستأذنت دقيقه وطلعت عند الباب وجلست شوي ورجعت وتجاهلتهم تماااااااما والحمد الله
الحين أنا جالسه بالبيت من أربع شهور تقريبا وأهلي بطبيعتهم مالهم روحه ولاجيه ورجعت لنقطةالصفر
صرت أتحاشىحتى طلعت السوق الي كان قلبي يطير إذا سمعت فيها
وأتحاشى روحة المنتزهات الي كنت أنجن عشان أروح لها
وحتى طلعتي لبيوت أقاربي والإجتماعات المصغره
صرت معد أقدر أتكلم بشكل ثابت لازم أتلعثم ورعشة يدي وشفايفي ومااااااااااااااااااحب آآآآآآآآآآآآآآكل عند أحد
وعلى فكره حصل لي موقف من كم يوم ضغطت على نفسي وطلعت السوق مع أختي وأحنا بالسوق وأنا أفتح شنطتي عشان أطلع محفظتي قالت أختي وش هالرعشه الي بيدك ؟؟؟
طبعا أنا .........................
ضاق صدري يعني صعب الناس يشوفونك بكل مكان ترتعش حتى الكلام مايطلع منك وأحيانا ما أقدر أتنفس
والأصعب أنك تنولد ملك ويحقرونك وإذا كبرت يدورون الملك فيك
قهر والله قهر
مع العلم أن ولا أحد يدري عن شكلتي يعني يدرون أني أحب عزلتي بأوقات بس مايدرون عن مشكلتي
وطلبت منهم أروح لدكتور نفسي كإرشاد وتنمية ذات ورفضو
أعتذر بجد ع الإطاله
بس هذا غيض من فيض
وشكرا لكل عين قرت لي