نفساني - عرض مشاركة واحدة

31-01-2007, 09:17 PM

السلام عليــكم ..

ذكرني هالموضوع بما حـــدث لي هذا الفصل مع احداهــن ..
فقد تعرفت على زميلة جديدة في الجامعه .. واحنــا بتخصننا لدينا برنامج نقوم من خلاله بتحليل نتائج الاستبيابات الى اخره .. طلبت مني ان اقوم بتعليمها بعض الامور التي لا تعرفها .. ففعلت .. اكثر من مره .. وامتـــد الامــر بان طلبتني في أمور أخرى بعضها لا علاقة لي بها .. وفعلت .. وكان لا يمر أسبوع الا وطلبتني في شئ واجيبها .. ولا يمر يومين متتالين الا وتكلمني فيــه .. وقد وصل الأمــر بأنها تطرش لي مسج تطلب مني الاتصال بها .. وأفعــل ..
كثيرات اللاتي يقلن لي بأني طيبة واني اساعدهن حتى مره طلبت من احداهن أمرا اذا قدرت فقالت لي ولو معقوله "جنات" تطلب هالشئ البسيط وما اسويها وانت ياما وياما سويتين لي شغلات ..
وفعلا كل شخص اسوي لي شغله وان كانت بسيطــة .. يشكرني ويستحي يطلب شغله اخرى ..
الا هذه لم تشكرني .. طيب لا انتظر الشكر .. خلها تتركني .. فقد استنفذتني .. استهلكتني .. وصلت حــدي !
اني عندي أمور ثانية اسويها .. مو معقوله تاخذ وقتي كله .. والله استهلكتني !
صديقاتي قالوا لي بأني الغلطانه ! المفروض اوقفها عند حدها لان في اشخاص ما تستحي .. لكن والله ما اقدر .. لو طلبتني اردها !
لدرجه اني فكرت ما احضر المحاضره علشان ما اشوفها .. لكن قلت ما راح اضيع محاضراتي عشانها واحضر من جهة وتتولاني من جهة ..
وبآخــر الأيام طلبت اني اساعدها .. قلت اوكي مافي مشكله وقلت لنفسي شوي اساعدها وبقوم عنها .. وفعلا .. قعدت معاها والله ساعه بعدين قلت لها مضطره اقوم اخي ينتظرني راح نرجع البيت .. وطلعت من روحــي ..

الله يستر اذا شفتها الفصل الجاي .. وش اسوي ؟