شروق الحب

بيانات اضافيه [ + ]

رقم العضوية : 18406  تاريخ التسجيل :  09 2006  أخر زيارة : 24-04-2007 (08:21 AM)  المشاركات : 87 [ + ]  التقييم :  10

لوني المفضل : Cadetblue

آآآآآآه من النت وبلاوي النت...صدقيني ياختي حسيت فيكي ومشكلتك قلبت عليي الالام

لاني عانيت من نفس المشكلة لكن انا اكتشفت بان زوجي يعرف وحدة ثانية ويكلمها

صار بالجوال وانا شفت صورتها مخزنها عنده ...طبعا انصدمت صدمة قوية..ماتوقعت زوجي

يعرف وحدة من الانترنيت..كان يتحجج انها مجرد تسلية...وكان يقول انتي ماقصرت

معاي في شي ..بس كانت غلطة ومجرد تسلية..وياريتها تستاهل

لكني دفعت ثمن هالتسليةغالي ...كنت حامل بالشهر الرابع والصدمة

أثرت على الجنين ...وأجهضت...ومن يومها عرفته على حقيقته ..صرت قوية وجريئة

وهمي اني اكون دايما أحلى وأجمل امرأة وأحن ام على اولادها...صرت احب نفسي

أكثر..واهتم بنفسي اكثر عشاني...انتبهي مو عشانه...استمتع بحياتي مع اولادي..

حتى معاه استمتع باللحظات اللي نقضيها مع بعض ..صار همي اعيش حياتي مثل

مااحب ويا عائلتي اللي مااسمح لاحد بانه يحرمني منها...لكـــــن بالذكاء والتفكير

طبعا هو لاحظ التغيير...ماادري

عرف غيرها او لا ..وماعاد يهمني...لاني عرفته ويش معدنه ...وكثير من الرجال كده

نصيحتي ليك يااختي العزيزة اهتمي بنفسك ولاتقصري مع زوجك اهتمي ببيتك

واولادك...حاربي عشان تحافظي عليهم ...واشعري بانك قوية وعندك ارادة بانك راح

تكوني انت الرابحة في النهاية ...حسسي نفسك بانك حلوة وانثى بكل معنى الكلمة

وكوني جريييئةفي تصرفاتك وحركاتك ...راح تحسي انك وحدة ثانية...لاتشكي فيه

ولاتفتشي وراه..ولاتحاولي تمنعيه..لان كل ممنوع مرغوب ..بس خليه يحس بانك صرت

وحدة ثانية جديدة بشكلها ...وأفكارها ...وأسلوبها في الحياة ..غيري من عاداتك ...

اخترعي عادات جديدة ليك ...اي شي..المهم تتغيري...راح تحسين بارتياح نفسي

وصدقيني التجربة القاسية اللي مريت انا فيها علمتني اشياء وااااجد ...اعيش

حاضري وبس..لان الماضي مايرجع والمستقبل مايعلمه غير رب العالمين ..استمتعي

بايامك وحياتك مع زوجك ...واتمنى لك التوفيق من كل قلبي ان شاء الله وآسفة على

الاطالة.......وأسألك الدعـــــــــاء.......أختك (( شروق الحب ))