نفساني - عرض مشاركة واحدة - هل المرأة السعودية مظلومة في مجتمعنا أم مدللة ؟

26-07-2005, 12:08 AM

السلام عليكم ورحمة الله وبركاته

هههه المرأه السعوديه ليست مظلومه المرأه السعوديه قمه بالأنتهاك والسلبيه

ولا تطالب بحقوقها لأنها أخذت أكثر من حقوقها لذلك تلتزم الصمت حتى لا تلفت الأنتباه أنها مدلله ومرفهه وإذا كان زوجها ملتزم فهي غصبن عن أنفها تكون ملتزمه وإذا كان يشرب الخمر والعياذ بالله تُعد له الكاسات والثلج وتستر عليه

وإن كان من ناحية الألتزم تُشهر بزوجها ذهب للمسجد ورجع من المسجد

وإن كان على قيادة السياره (ماهيب مشكله) غيرها يسوق وهي يجاب لها سواق هندي (تدق سوالف معاه طول الطريق)

وإن كان عندها أموال فهي مكتفيه بإدارتها حتى لو معها دكتوراه إدارة أعمال لأن الأخ والأب موجود وهي في بيتها وإذا قدرو ياخذون مليونين ثلاثه خذوه وهي ياحرام (لكم الله ياغافلين)

أما بالنسبه لسفر ماتقدر تسافر الا برجال(محرم)<ياحبي لهالكلمه هي اللي تخلينا نسافر كل صيف وبدونها حنا رايحين بخرايطها

وإذا وصلو للبلده اللي يبونها مع المحرم وسكنو بالفندق فهي بجهه وهو بجهه

والحره مننا تتمنى تصير خدامه وأقولكم شي يثبت كلامي :

هنديه تشتغل عند عائله سعوديه وكانت تتمتع بشوي من الحريه وتاخذ 400 ريال شهرياًوتهاوش الرجال مع زوجته السعوديه وطلقها وتزوج الخدامه الهنديه وبعد مرور شهرين رفعت زوجته الهنديه دعوه قضائيه بالمحكمه ولمن نادو زوجها قالت زوجته الهنديه هذالرجال ظلمني هالحين هو في خربان أول في أعطي أنا 400 ريال كل شهر هالحين حريه مافيه وشغل بدون فلوس وغطي وجهي البس دسوس والبس شراب ومافي سوق مافي أطلع برابيت قالو لها المحكمه وش تطلبين ؟ قالت أنا يبي يرجع خدامه مايبي زوج هذا ظلم وحرام خدامه كثير كويس .

وش رايكم ؟

أما بالنسبه لطلاقها وزواجها فهي لاتدري حتى أنا تُطلق دون أن تدري أنها مطلقه ولكن إذا هي تبي الطلاق سنين وسنين تطالب ويمكن مايطلقها وتدفع المهر بعد (هذي حركات شباب اليوم إذا مابغى زوجته يزهقها ويضربها لين تقول مابيك همن يقولها خلاص بطلقتس بس رجعي المهر) وإّا تطلقت وهي معها كومة بزارين مالها حتى بيت تجلس فيه

وإذا ماتزوج الرجل على زوجته عندنا (هذا شي وله معروف عليها)

والمرأه في السعوديه إذا أخطاءت يعاقبونها حتى لو كانت كبيره بالسن والرجل حر نفسه لا يؤدب ولا ينقال له كلمه

وإذا المرأه غارت على زوجها يقولون تحب المشاكل وإذا هو غار عليها يقولون مشاءلله شهم ويغار على زوجته

وبالنسبه لمسأله (خضيري وقبيلي )حدثو ولا حرج>>إذا الرجل القبيلي أحب أمراه خضيريه يتزوجهاوإذا البنت القبيليه أحبت خضيري أبن حلال وفيه كل الصفات الجميله يرفضونه وهذا دليل على أن الرجل يتزوج اللي هو يبيها والمرأه تتزوج اللي الرجال يبونه وهي تتزوج في نطاق ضيق أبن عمها أو أحد أقاربها ولا يهمهم لو بلغت الأربعين وهو يتزوج 4 عاااااااااادي ويطلق أربع

ومن ظلم المرأه أن الأخ يؤدب أخته ومن ناحية الحجاب حدث ولا حرج (لو أقول وأشكي من هالحين لين بكره ماأنتهيت)

أذكر مره كنا بالسياره على طريق القصيم ورفعت برقعي شوي عشان آكل السندويشه &قامت القيامه& وقف أخوي على جانب الخط وهاج علي ويجلس يسبني وأنا ساكته وقال بصوت عالي حااااد سني الغطا وهذا دينك . أي دين هذا اللي تهان به المرأه؟؟؟

وفي آخر الإجازه أخوي يعطونه كم ألف ويسافر لسوريه أوالبحرين أو لبنان مع أصدقائه (مراهق وش يسوي بهالدوله؟)

هذولا هم الأخوان اللي يأدبونا ويعلومننا ديننا ههه الحمدلله يارب بس على التخلف والهمجيه اللي حنا فيها

وهذا سبب جعل كل البنات السعوديات مدمنات جوال وتلفونات وأنترنت>(أنا أعمم ولست أخص وأعيدها مره أخرى أنا أعمم ولست أخص )

وكثير من الفتيات يتسرعن بالزواج ليس لكي تبني أسره أو أنها أحببت خطيبها ولكن حتى تستعيد ولو شيء بسيط من حريتهاخصوصاًإذا كانت الأسره مكونه من أخوان شباب

وسبب تأخر بعض الفتيات بالزواج هم الأخوان وعنجهيتهم (هذا فيه وهذا مافيه وهذا مايعجبني)لين يروح عمرها وإذاعنست أرتاحو أن مافيه شرف يخافون عليه <الحمدلله يارب

وكأن القرآن والإسلام مانزل ألا على المرأه ! وكأن المرأه شيء جماد لم يوصيها الإسلام شيء والرجل هو اللذي يفرض عليها دينها وشرفها وحجابها

أرضي غاليه ولكن تجري الرياح بما لاتشتهي السفن والصبر مفتاح الفرج ( الحمدلله أني أسافر بالصيف )

وآسفه على طولة الحكي ولي رجعه مره أخرى

تحياتي لكم

مع السلامه