المشاركة الأصلية كتبت بواسطة بخير رغم كل شيء

هذا موقعهم

https://www.ssca.org.sa/about/

والله الواتس اب أشوفه ضروري في كل شئ خصوصا لتطبيقات التوصيل
بس سو إصمات للمحادثات اللي تضايقك والمجموعات 😄أنا أسوي كذا وأصير ملكه نفسي متى ماحبيت أرد رديت وإذا ما اهتويت المجموعه مصمته ،،

يمكن الوظيفة اللي اخترتها كانت غير مناسبة للي مثل حالتنا ، هي تجربة لاتتحسف عليها وبيعوضك ربي خير منها .
اللي قال تجاره قله عادك عند كلمتك أنا رجال صامل ،، أشوف أنه مناسب لك التجارة ، وتجارة التمر زينه يمكن على قد مقدرته .
و بالنسبة للكلام اللي زعلك فأنا اذكر قالت لي امي كلمه من وأنا صغيره للآن حافظتها
إذا زعلك أحد خذي حقك منه وإذا ما قدرتي لا تزعلين ،، لأنك أنتي اللي ما أخذتي حقك
خصوصا إذا كان من أهلنا ياما جا بينا ضرب وضريب ومناورات وقصف 😂بس مانزعل من بعض والنفوس طيبه،
كل البيوت ترى كذا
وإن كانها على كلمة ما منك فايدة
قل لهم وش تبون بفايدتي فايدتي لنفسي وأنتوا منكم فايدة وش فدتوني فيه ،، ولا تزعل

واجلس معهم ترى جلسة الأهل تغير النفسية . أنا يضيق صدري إذا أحد من إخواني ما جلس معنا
ودي انه يشاركنا السوالف والضحك والعلوم .
بكرة ماتفضى لنا بالمنتدى مقضيها سوالف مع الاهل 😜