المشاركة الأصلية كتبت بواسطة وعل الثلج

و الله فيني مشاعر كره للمال برمته و فيني مشاعر تبغى المال و فيه مشاعر كره للوظايف بعد السقطة من الوظيفة الأخيرة . كنت أثناء الوظيفة سردادي مردادي على الاخصائيين و لا فيهم من حل مواضيعي . أكثر روحات على مر التاريخ بالنسبة لي للإخصائيين كان مع الوظيفة الأخيرة و عرفت ان ابن آدم ضعيف مهما كان عنده من شهادة في علم النفس و الطب النفسي . فعلا و خلق الإنسان ضعيفا و علشان كذا استنتجت انهم ليسوا بعلاقة مع علوم النفس بل هي علوم الأعصاب و فاشلين بعد فيه . النفس عالمها كبير جدا لا يعلم كنهها إلا الله وحده و الإدعاء على معرفتها و حل العلل فيها أعتقد إنه خادش لصريح العقيدة السليمة الصافية ، قولوا علم الأعصاب و طب الأعصاب و خلصنا .

الكفالة و الزواج أبسكت عنهم .

س / وش هي الجمعية السعودية للفصام ؟ وين موقعهم في الدمام ؟
لكن أنا ذهاني وجداني مو فصامي هل هناك جمعية لبقية الحالات غير الفصامية ؟

بخصوص التجارة كذبوا علي اللي حولي قالوا بنعطيك حلال 60 راس و آخرتها حول ملعون الثوى على تجارة التمر و بالأخير هون من كل شيء .

- أمر مهم :- بخير رغم كل شيء بسألك و السؤال للجميع ، فيه وسيلة تواصل غير الواتس آب ، أنا ناوي أحذفه و أفتك من الناس اللي فيه ، بس يا ريت فيه تطبيق غيره ؟

ايه عندي شهادة بكالوريا أصول دين بس على ما قيل أبلها و أكب مويتها ، لأني سألت ناس مسؤولين عن اختبار المؤذنين فقالوا وضع الخَنّة عندي و الحروف المضطربة غير الواضحة عائق أولي لاجتياز الإختبار ، مو مهم و لا ضقت و تبغين الصراحة ( أحسن 🙃)

قولتك ( ولا تلتفت لبعض الكلام للأسف محد يعرف اللي تمر فيه إلا اللي عاش مثل تجربتك .. مثل ما قال المثل دام تمشي مشها ربي بيعوضنا في الدنيا والآخره ماتسر به أعيننا ذلك ظننا ) بس و الله ثم و الله القهر كان بيصير رماد عقب ثورة النار فيه لكن هم دبلوه دبل الدبل . صرت ما ودي أبدا أشوف خشة أي واحد منهم ، لما يجون البيت ما ادري ليه أنقهر و يثور الغضب و أصك البيبان عليهم لأنهم يخلونه مفتوح و يشوفون الداخل و الخارج ، و كلمتهم لا يسلمون علي خد أبدا بل يكون السلام باليد بس و هذا اذا سلمت .


شكرا لك أخيتنا بخير أسأل الله يبسط لنا بساط الخير و يلبسنا لباسه دنيا و آخرة .