نفساني - عرض مشاركة واحدة

14-07-2021, 05:32 PM

اقتباس:

المشاركة الأصلية كتبت بواسطة حجر الصوان

ليش نروح بعيد الحين انا من قبل الحدث في الدوام .. وحده الله يسامحها متصله حق صديقتها واتقولها حلمت فيج كذا وكذا طبعا حلم مب زين .. انا استغرب من هاذيل الناس ما يعرفون الوصايه النبويه !!! انه الذي يرى رؤية يكرهها المفروض ما يحدث فيها أحد وهي بكل ثقه هداها الله متصله في زميلتها وتقص عليها القصص طبعا انا جنبهم واسمع كل شي والذي يضحك في الموضوع انه هي وصديقتها ماخذين الموضوع شربات وعسل وضحك والحلم مخيف جدا نفس موضووع وسواسي وأنهوا المكالمه وانا اللي خايفه على البنت الحين ومخي شغال ربط بحيث اني انتظر يحصللها شي لا قدر الله عشان اربط !! واقول ايوا هذا تفسير الحلم اللي حلمته فيها صديقتها وطبعا ربط موضوع اخر ايضا وشغاله انا ربط شغاله شوفي وين وصلت !!! استغفرالله دخلت في علم الغيب والقضاء والقدر ! والحالمة والمحلومه ولا عليهم ابدا قالوا اللي عندهم وانبسطوا اذا اشتريتي عصا خذيلي وحده وياج لانه جد معظم الناس ما يعرفون يسولفون !! بعيدا عن الوسواس في ناس سبحان الله ما يعرفون يسولفون !
مره دخلت البيت بعد معركة طويلة من العمل والتعب وحده من اقاربي عطتني على الغدا بخبر ما يهمني اصلا بس مخيف يعني الموضوع ما يتأجل العصر مثلا على ما أرتاح شوي ! ما هي الفائدة المرجوه من اللغوه الزايده والعك الفاضي

قل خيرا أو اصمت

عموما ما نقدر نلزق حلوج الناس بس المشكله الاذن ما تقدر تفلتر

اي والله وانتي صادقة في ناس تحكي الاحلام وتحكي الاخبار وماشاء الله ولا اي نوع تأثر وناس تانية تنشر السلبية بطريقة غريبة وشوي تلاقينهم مبسوطين ولا على بالهم شي
انا من اقل شي اتأثر ويخرب يومي وكل مافيني وأتنكد وتصير حالتي حالة
قسم بالله من يوم الخبر رجعت للصفر وازفت من اول صرت حتى الايام الجميلة ماعدت احس بطعمها والله فعلا تحسين كل هم الدنيا فوق راسك
تلاقينها من وين ولا وين ماتحسي براحة ابد ولاتقدرين تاخذين نفسك لا كآبة ورا بعض سلبية واقعين فيها
يعني انا الحين مدري وش اسوي ولا مين اصدق ولا ايش اعمل ولا كيف الايام الفاتت جبت طاقة وقوة لتطنيش كل شي والاستمرار
يارب عفوك