نفساني - عرض مشاركة واحدة

12-07-2021, 08:45 AM

اقتباس:

المشاركة الأصلية كتبت بواسطة تقهويتك مواجع

هلا بتوأمي واختي والله وانا مثلك لدرجة صرت نفسي امسك عصى واي احد يجي يقول خبر اضربه على فمه مايدرون الحالة الي يحطونا فيها ويمشو بعد الخبر

قسما بالله عالم داخلنا كامل ينهااااااار وتبدء الصراعات والرجفات والنوبات وتصير انت وحدك الي تصارع كل شي احدثك وانا لي ثلاث ايام في هذه الحالة واصبح الترقب عالي بطريقة مخيفة

وحدث ولا حرج عن الاحساس الكريهه داخلك والمصاحب للدوخة وخلافه

ليش نروح بعيد الحين انا من قبل الحدث في الدوام .. وحده الله يسامحها متصله حق صديقتها واتقولها حلمت فيج كذا وكذا طبعا حلم مب زين .. انا استغرب من هاذيل الناس ما يعرفون الوصايه النبويه !!! انه الذي يرى رؤية يكرهها المفروض ما يحدث فيها أحد وهي بكل ثقه هداها الله متصله في زميلتها وتقص عليها القصص طبعا انا جنبهم واسمع كل شي والذي يضحك في الموضوع انه هي وصديقتها ماخذين الموضوع شربات وعسل وضحك والحلم مخيف جدا نفس موضووع وسواسي وأنهوا المكالمه وانا اللي خايفه على البنت الحين ومخي شغال ربط بحيث اني انتظر يحصللها شي لا قدر الله عشان اربط !! واقول ايوا هذا تفسير الحلم اللي حلمته فيها صديقتها وطبعا ربط موضوع اخر ايضا وشغاله انا ربط شغاله شوفي وين وصلت !!! استغفرالله دخلت في علم الغيب والقضاء والقدر ! والحالمة والمحلومه ولا عليهم ابدا قالوا اللي عندهم وانبسطوا اذا اشتريتي عصا خذيلي وحده وياج لانه جد معظم الناس ما يعرفون يسولفون !! بعيدا عن الوسواس في ناس سبحان الله ما يعرفون يسولفون !
مره دخلت البيت بعد معركة طويلة من العمل والتعب وحده من اقاربي عطتني على الغدا بخبر ما يهمني اصلا بس مخيف يعني الموضوع ما يتأجل العصر مثلا على ما أرتاح شوي ! ما هي الفائدة المرجوه من اللغوه الزايده والعك الفاضي

قل خيرا أو اصمت

عموما ما نقدر نلزق حلوج الناس بس المشكله الاذن ما تقدر تفلتر