المشاركة الأصلية كتبت بواسطة حبيس غرفتي

سلام عليكم
مساكم الله بالخير
اولاً صلو على النبي واستغفرو واحمدو الله على النعم

بدخل في موضوعي على طول لاني مااعرف المقدمات وهالسوالف

انا شخص مبتلي بالرهاب من 15 من عمري والان انا 26 سنه والله هذا المرض بهذلني وكان عائق في حياتي اليومية والدراسية والعملية والزوجية

بالنسبة للادوية استخدمت كل الادوية من سيروكسات الى السبراليكس الى الزولفت وغيرها من الادوية والمهديات لكن فايدتها مؤقته وترجع الاعراض والله ماادري وش اسوي الحين انا تزوجت واحس ان الرهاب زاد علي بعد الزواج ولا اقدر اشتغل ولا اقدر ادرس ولا اقدر اجامع زوجتي من تأثير الادوية على الانتصاب ، الحمدلله لا اعتراض على هذا الشي لكن سئمت الحياة الكل يضحك علي اني عديم فايدة اهلي كل يوم يجرحوني ليش ماتروح ليش ماتطلع من غرفتك انت وانت وانت والناس يقولو ليش مازرتنا ليش ماحضرت عرس فلان والله مادري وش ارد عليهم خلاص طفشت وللعلم اني محافظ على صلواتي في اوقاتها وانا انسان متدين واخاف ربي ومستمر على قراءة البقرة والاذكار والدعاء وقيام الليل اؤمن ان الشفاء بيد ربي ولكن اريد حلول اضافية والله خلاص صرت حبيس الغرفة وعديم الفايدة ومنكسر وضعيف رغم ان شخصيتي قوية

ادعوء لي بالشفاء 😞