المشاركة الأصلية كتبت بواسطة النمساوووي

السلام عليكم موضوعي باختصار اخوان قبل 4 سنوات فجئه بدون سابق انذار في اخر يوم من سنة 2016جاتني حاله هلع دقات قلب متسارعة خوف افكار وسواس اول ايام الحالة ماكنت اعرف شنو فيني رحت من طبيب لطبيب ومن شيخ لثاني ماكو فايدة
لين بالاخير شخصوني انه مرض نفسي
(قلق اكتئاب ونوبات هلع) بعد التشخيص الطبيب وصف لي اكثر من علاج طبعا على فترات متباعده بعضهم فادني بشي بسيط وبعض مافاد مثل (بروزاك افيكسور سيبرلاكس سيروكات جربت اغلب الادوية لين وصلت عند علاج ساليباكس ارتحت عليه و استخدمتة تقريبا لمدة سنتين وشفيت من الهلع بنسبة 90 بالميه صحيح اختفت النوبات
لكن جتني حالة ماكانت عندي قبل شعور غريب احس الدنيا كلها تغيرت اليوم يمر ما احس فيه الليل نفس الصبح والعكس ماحس بشي ولااستمتع بشي زيادة على هاذا الشعور بقى عندي الى الان القلق والافكار مو راضية تختفي حتى اني غيرت العلاج بعد استشارة الطبيب الى زولوفت قلت ممكن يخلصني من هاذا الشعور والاكتئاب لكن مو فايدة
ف اذا احد مر بنفس تجربتي ويقدر يفيدني اكون شاكر له
مع العلم ماقبل نوبات الهلع كنت اعاني من رهاب واللى الان موجود