نفساني - عرض مشاركة واحدة

22-03-2019, 04:53 AM

كثر العتاب

البعض يكثر من العتاب بسبب عدم الزياره
ولا يعرف طبيعة المرض النفسي!!
وهذه مناسبة الابيات التاليه

ياعقاب يابن العم لا تكثر االعتاب
كثر العتب ياعقاب والله ما اقواه
عشرين عام ياعقاب والجرح ماطاب
جرح المرض قاسي عسى الله يبراه
احتار في حالي طبيب الاعصاب
واحتار طبيب النفس في داه ودواه
والراس من كثر التفاكير قد شاب
اواه ياوجدي من الامراض وجداه
ياعقاب كني شايبً خافقه ذاب
على وحيده بعد ما ذاق فرقاه
والامثل فارسًا طاح منصاب
وخلوه ربعه للعدو تنزف دماه
والا مشلولًا عجز يفتح الباب
يبغى المشي لكنها خارت قواه
والا يتيمً يبكي من فراق الاحباب
ابوه مات وماتت امه وكل اقرباه
غاب الفرح من ناضري والامل غاب
مثل من يطرد سرابً بمضماه
والا قريصاً في الخلا قارصه داب
وانتشر سمه في جميع اعضاه
والا السجين اللي من خلف الابواب
الحراس من حوله يمينه ويسراه
ومن القهر يعض الابهام بالناب
وجرحه عطيب والبلاوي تقفاه
دنيا العناء قامت تقلب تقلاب
احدً سعيد واحد عايش بماساه
انا اشهد اني اليوم خاطري طاب
الا من اللي كون الكون وانشاه
ربً كريم قادر يسبب اسباب
ويرد لي صحتي بعد ما فقدناه
هذا نصيبي ولالي عنه مجناب
رضيت بالمكتوب والحمد لله

صامدة رغم المحن معجب بهذا

المصدر: نفساني