نفساني - عرض مشاركة واحدة

26-10-2018, 10:15 AM

اخوي الرهابي هذا كان يصرف لي من المستشفى قبل اكثر من ثمان سنوات كان مع شركة اسمها سيفالون وبعدين انباعت لشركة اسمها تيفا
وانا معاي وصفة له من سبع شهور ولا اشتريته لحد الحين لان اذكر كل المواقع اللي تبيع هندية ومش موثوقة واغلبها يطلب بيت كوين وعليها شكاوي كثير من ناس بمواقع ريديت ومواقع ثانية مشهورة بالغش والتلاعب والسرقة
بخصوص المستشفيات يوفرونه لك لاكن يطول يجلس سبع شهور او 9 شهور وهو طبعا كنترول
طبعا المصري فعلا ضعيف جدا
الدواء الهندي تتعود عليه بعض الاحيان اقصى شي شهرين ولازم تتركه فترة طويلة علشان يرجع لك مفعولة
المفعول اللي الناس تدوره الذكاء والتركيز والسهر هذا ياطويل العمر غالبا اول حبة بس بعدين يصير ماله مفعول هذا لو هندي اومصري
الاصلي اللي هو البروفيجل من شركة سيفاليون مفعولة اقل من الهندي ب 30% لان الهندي مادري شيحطون عليه علشان يصير قوي اتوقع شي ماله دخل لاكن البروفيجل ثابت معاك مفعوله مدى الحياه
طبعا انا يصرف لي لعلاج تشتت الانتباه واضطراب نوم حاد واختناقات اثناء النوم ودايما اميل لترك الادوية واحاول اشتغل على الاعشاب واجربها وفي اكثرها ممتازة مع شوية همة
طبعا بسبب كثرة الناس اللي تدور طريقة انا راح ادور بالمواقع وان شاء الله راح اطلب بس المواقع الي بطلب منها بشوف مواقع موثوقة وتبيع بوصفة طبية وعلى الاغلب بيكون اوروبي وان شاء الله راح انزل التجربة
طبعا موقع مودافينيل ستار هذا التقييمات سيئة والاكثر نصب عليهم ويكفيك طرق الدفع يتجنبون الفيزا لانك تقدر تشتكي للبنك ويرجعون فلوسك لو دافع بفيزا وبرضو باعترافهم وتقييم الكل منتجاتهم ضعيفة
مود اب قفل واللي موجود نفس اسمه هذا موقع ثاني وبرضو تقارير نصب عليه
دوك دوس هذا قفل بعد واللي موجود دوك دوس نت هذا موقع جديد لاكن برضو مش موثوق
افينيل اكسبرس يمدحونه لاكن طرق الدفع مافيه للسعودية فيزا علشان كذا ان شاء الله راح اشوف غيرهم