نفساني - عرض مشاركة واحدة

10-04-2018, 01:34 PM

السلام عليكم
انا كنت أعاني من وسواس الموت و الحمد لله خف عليه و عشت كم سنه في سلام لكن قبل شهرين تحلمت حلم " للعلم كنت نايمه عن صلاه الفجر و ما قلت الأذكار قبل النوم " المهم صحيت من الحلم مفجوعه و أني باموت و فعلا لما بحثت في النت طلع تفسير الرمز اقتراب الأجل و جلست اعصر في مخي عشان أفتكر الحلم ما أفتكر منه الا الأشخاص الي معي و من بعدها و انا في دوامه أقول هذي المره حقيقه مع أني عملت بوصيه الرسول صلى الله عليه و سلم لكن الخوف مسيطر عليه و تجيني نوبات هلع و رجفه و قلق تجيني زغلله في عيوني ما أحب اطالع احد في عيونه خصوصا امي دائما أقول ان امي تعرف أني باموت و الله الشهرين كلها قلق في قلق كل يوم تغيب الشمس أقول هذي اخر شمس اشوفها و على هذا الحال شهرين كل حلم احمله أربطه بالموت
من امس خُف شوي الوسواس وجلست ابحث في قوقل عن الأحلام و تجيني رجفه في جسمي كله و زي القشعريرة و رجع لي الإحساس بالموت و أقول ما راح أصوم رمضان هذي السنه كل يوم اترقب اموت فيه. أراقب أولادي و كيف بيعيشون من دوني تجيني حالات بكاء ما اعرف اش اسوي المستقبل صار عندي موت