نفساني - عرض مشاركة واحدة - بعد سنة كاملة من الشفاء ولله الحمد .. أعرض لكم تجربتي في التخلص من وسواس الموت

23-07-2017, 07:22 PM

اقتباس:

المشاركة الأصلية كتبت بواسطة أمل الشفاء

كيف الانسان الطبيعي ينجز في الحياة وهو يعرف انه في اي لحظة راح يموت ؟! كلما سئلت احد قالي الموت حق ولازم نتجهز للموت وانه في اي لحظة راح يجي وسواء خفنا اولا ؟! شلون اتعامل مع هذي الافكار ؟! وشلون اعيش يومي وانا ما افكر في الموت ؟!

انتي كنتي مثل الانسان الطبيعي قبل اصابتك بالوسواس .. اسألي نفسك هالأسئلة : )

وبقول لك انا بعد ان اللي حاصل معك هو فكرة غرقتي فيها مثلي سابقا ومثل ملايين من البشر فيهم اللي تجاوزها وفيهم اللي بالطريق ان شاء الله

المطلوب هو تقبل فكرة انك مصابة بوسواس قهري .. ومن ثم السعي الجاد في التخلص منه ... ولا تتوقفين فقط عند التطمين والسؤال عن الأفكار والبحث عن ناس يملكون نفس الفكرة .. وكم لهم سنة ةترتاحين لما تعرفين ان شخص عنده وسواس وفكرة مثل اللي عندك وله سنتين ما صار فيه شيء .. تفكرين تقولين يعني باقي قدامي سنتين : ) ... أنا كنت هيك .. كنت أروح أقرأ المواضيع القديمة اللي تشبه أفكاري .. وأشوف صاحب الفكرة متى آخر دخول له .. وأطمئن بشكل لحظي أقول باقي قدامي وقت

المطلوب منك هو الكفاح والسعي الجاد حتى ولو مخاوفك معك ... غيري أسلوب حياتك بشكل كامل واهتمي بنفسك من كل النواحي ... من تنظيم وقت الى رياضة الى أكل وشرب وانشغال ووو الخ .. الموضوع أمامك

الإنسان اللي ما يملك القوة الكافية ولا الإصرار ولا تفاؤل يشد من عزمه أقول له يتجه لطبيب نفسي ويجرب ويريح مخه .. وفي شتى الأحوال اتمنى ثم اتمنى ثم اتمنى من الجميع المحاولة بالأشياء اللي تكلمت عنها من خلال تجربتي .. حتى اللي يستخدمون الأدوية أقول لهم جربوا وراح تلاحظون فرق كبير جدا

والله يشفيك والجميع خيتو

...