بخصوص هذا الكلام صح لأني أنا جربت الدواء لمدة 8 سنوات من غير فائدة مرجوة و بمختلف الأدوية من
Buspirone
Seroxat
Cipralex
Brozac
Xanan
Rozfilt
عفكرة الأدوية استخدمتها لسنوات و من غير فائدة
و فيه مستشفى خاص رحت فيه أعالج بالتحفيز المغناطيسي لعلاج الاكتئاب بس للأسف ما عالجني لأني كنت حاطه تقويم و من شروط هالعلاج أنه ما ايكون فيه تقويم، و قالي بوصفلج دواء قتله أوكي بس أي دواء بتوصفلي ؟ و أهم شي ما ايكون يزيد الوزن ؟!
قالي Buspirone و قتله لأ ما أريد أدوية قيمة الأدوية جدا غالية و من غير فائدة و لو اتلاحظون أنه نفس الدواء اللي استخدمته في الخاص و من غير فائدة و اكتشفت هالشي بالصدفة عقب مع أنه وايد مدحلي أياه و انه زين و كذه و غيره وايد كلام و لكن الواقع للأسف كل دكتور و كل جهة همها تدبيس و تمشية بزنس ، على الرغم من أنه كان يقدر يدلني و يرشدني على العلاج بالصدمة الكهربائية لأنه يمشي حتى لو فيه تقويم بس ما يريد لأنه إذا أنا اتعالجت بزننزه بيخسر و أنا ما برجع اتعالج عنده أذا بطلت التقويم،و علاج التقويم ما أقدر أبطله لأنه أوردي عانت وايد عشانه و مدفوع عليه فلوس مسبقا

حتى لما ييت عنده أعالج المستشفى الأمريكي النفسي و العصبي على هذيك الجلسة اللي من دون علاج و لا شي مجردة جلسة و معاينة خذ 600 درهم

و وضعي جدا جدا جدا ممتاز و بديت أمارس حياتي بشكل طبيعي و الكل ملاحظ هالشي الحمدلله حتى أهلي على الرغم من أنني ما قلتلهم نهائيا عنه و رحت سويته من نفسي و هم لاحظوا أنه فيني طاقة و قمت أطبخ و أمارس هوايااتي اللي أحبها و أنا وقعت على أوراق العلاج لأنه خلاص وصلت مرحلة شفت الموت و ما قدرت أتحمل أكثر شفت أني أريد أجرب أي شي لأنه اللي أنا في الموت أرحم منه ، و لأنه أهلي هم سبب مرضي بسببهم مرضت و تعبت منهم و من ضربهم حتى لي و المرض اللي ياني ياني من شيء كبير مب من شي بسيط و الاكتئاب اللي فيني كان حاد و بسبت حالتني المادية الصعبة ، و لما كنت هناك لقيت بنت جيرانا اللي بيتهم كان ملاصق من بيتنا اتعالج من ثنائية القطب و هو مرض نفسي و تاخذ نفس العلاج اللي هو العلاج بالصدمات الكهربائية

و أنصحكم اتجربون العلاج و بقوة عالأقل حتى لو جلسة وحدة لأنه تأثيره وايد قوي