شريان القلب

بيانات اضافيه [ + ]

رقم العضوية : 37091  تاريخ التسجيل :  01 2012  أخر زيارة : 06-01-2022 (08:29 PM)  المشاركات : 124 [ + ]  التقييم :  10

لوني المفضل : Cadetblue

اخت مستكفية الله يحفظك ويجزيكي الخير ... على كلامك الرائع واكثر من رائع ... انا والله الي يومين بحاول التزم بالصلاة ان شاء الله راح التزم بالصلاة والاذكار .
بتعرفي انا لما اسمع القران برتاح ودايما قبل ما انام بسمع قران بشعر براحة بستغرق بالنوم . مبارح كنت عند اهلي يا اختي بحس انو لما اكون عند اهلي ايضا بشعر براحة الاوهام كثير بتخف مني .يمكن لانه ابوي بعرف شوي من حالتي فبشعر معاه بالراحة
يا اختي بس الي فترة بشعر بانتكاسة قوية والله انا خايف ترجعلي الحالة للاسوء اخذت الدوا امس . بس المشكلة لسى الحالة معي بحاول انسى او اتناسى المرض لوحدة بلاقي نفسي بنتكس مش بايدي بس انا ما بدي المرض يسيطر علي
بدي اطلع من مرضي باي طريقة كانت . بدي احكيلك عن افكاري الهلاوس بس اتحمليني انا راح احاول يكون كلامي مفهوم .
الافكار البراسي مأمنه انها الاوهام صحيحة بس انا شخصيا لا مش مصدق هاي الافكار وبحارب فيها وبقاومها لابعد الحدود فعشان هيك بكون جالس بامان الله فجاءة صارت حركة او كلمة تفتح علي ابواب في راسي بلاقي نفسي في عالم ثاني تفسيري للامور غير عقلانية
صدقيني انا متاكد من هذا الشيء صح انا منطقي بس الاوهام الي في راسي غير منطقية يمكن افسرلك امر انه منطقي جدا بس تفسيره اصلا غير صحيح . الطبيب اخبرني بهيك موضوع وفهمني اياها سببه الشكوك فعلا انا لو اتخلص من الشكوك العندي خلاص كل شيء تقريبا بينتهي
او اتخلص من اي سبب غير واقعي . المشكلة يمكن افسر موضوع طيب وبالاخير بلاقيه مش صحيح بصير احكي والله اني مجنون .
يا اختي تعرفي شيء انا ما بشوف اوهام بس بتخيل امور وهمية ومصدقه وكنت زمان عايش فيها خايف ارجع لهذه الحالة ويمكن الخوف البداخلي بخليني ارجع غصب عني للحالة
انا مش رافض المرض بالعكس انا مأمن جدا اني مريض وهذه اول خطوة للعلاج ومأمن انه الله راح يشفيني وانا راح اساعد نفسي .
خليني احكيلك عن فترة المرض او بدايته الطبيب اخبرني انه مرضي هذا من زمان مش انه فقط قبل ست نوات يمكن اكثر من هيك . راجعت نفسي لقيت لما كنت بماليزيا وكنت ادرس هناك صح اعجبتني ماليزيا وجمالها بس بعد شهرين صابتني حالة كنت قبل ما اسافر اوخذ دواء من طبيب نفسي
للشكوك التوتر قطعته في ماليزيا صابتني حالة اتوقع انها اكتئاب بدايتها كنت متعلق بفتاة على الانتر نت ملتزمة دينيا بصراحة احكيلك حبيتها وتعلقت فيها كثير ,هذا قبل ما اسافر لكن بعد وصلت بماليزيا خفت العلاقة شوي وانا صرت املي فراغي هناك اني اسمع محاضرات دينية وقران والتزمت بالصلاة لكن صار معي حالة غريبة جدا اول شيء صرت اتضايق من صوت البرق عندهم هناك اصوات البرق عالية جدا جدا فوق ما تتخيلي والرعد شكلة باليل خاصه مرعب .تذكرت لما رجعت من ماليزيا رحت على وحدة تنمية بشرية حكيتلها عن كل شيء طلعت وسكرت على نفسها باب زجاج وصارت تحكي معي خلف الزجاج . بصراحة احبطت كثير اني راح اتعالج المهم
احكيلك التفاصيل معلش يمكن تحكي عني مثل الاطفال بس هذا تفكيري وانا مستعد احاول اكون ناضج اكثر من هيك ما تقلقي علي . المهم الشباب المعي في السكن كانو ما يطلعوا باليل لانه في ناس مثل العصابات بحاول يسرقوا من العرب او مثل هيك انا كنت اطلع وما بعرف عن هذا الموضوع لما ارجع الاقيهم مستغربين من طلعوعي قلتهم مالكم فقالولي هيك هيك . انا ما صدقتهم لاني طلعت اكثر من مرة ما لقيت شيء بس الكان يضايقني شكل الرعد وصوت البرق باليل حسيت اني مخنوق وقاومت هذه الامور كنت احس انه الغيوم قريبة مني جدا اني ممكن باي لحظة اموت
المشكلة مش هنا انا بحكيلك عن تفاصيل التفاصيل في افكاري عشان اوصلك بالتدريج من الكان يضايقني وقتها تعودت بعد فترة بعد 3 اشهر على الوضع وتاقلمت عليه سجلت بالجامعة عشان اكمل دراستي درست تخصص ديجتال ميديا اول فصل لغة درسته وقتها كنت متعلق بالفتاة الحكيتلك عنها
والتزمت كثير بالصلاة عشانها وقرات كتب من الانتر نت عن النضج العاطفي وصرت اقراء كتب كثيرة واسمع محاضرات , المشكلة مش هنا بتذكر اول مرة تصير معي حالة من الاوهام لما كنت نايم جنب الكومبيوتر طبعا غرفتي كانت صغيرة حطيت سماعات على الاذن وصرت اسمع موسيقى استرخاء
او كيف تسترخي سمعت صوت بنت بسماعات الاذن تتحدث معي تقولي بحبك وتتشنج منطقة ما بين عيوني ونفسي يضيق انا كنت ارتاح لصوتها كنت افكر انها هكرت الجهاز مش هنا الموضوع بطلت البنت تحكي معي قبلها عشان هيك تعلقت بصوتها المهم مع انها مرة واحدة حكت معي بصوتها
المهم صرت اسمع كلام لما احط السماعات على ذاني اسمع اي شيء احكيلك شيء غريب جدا كنت اسمع صوتها وافكرها انها تعرف شو بسمع محاضرات واقراء كنت عن النت وقران وموسيقى او اي شيء مثلا اسمعه كنت لما انام احط قران واسمع صوتها بحبك تسألني بتحبني , تتردد هذه الكلمة بصوت خافت جدا وانام احس جسمي تشتنج ورجلي متجمدين ايدي اليمين تتخدر يعني مخدرة . اسمع اصوات غريبة واصحى الصبح اطلع على الجامعة من باص لباص لقطار لباص مسافة بعيدة جدا اسمع صوتها باذني بحبك لما اوصل الجامعة احس جسمي ثقييل جدا مش قادر استوعب ولا كلمة من المحاضرة تفكيري مشتت للغاية مش قادر اركب جملة واحدة نحفت كثير وتحت عيوني صار اسوداد كان اخوي معي بالسكن وصديق اخوي تمشكلت مع صديق اخوي مشاكل وكان دارس علم نفس تذكرت سافر اخوي للاردن وبقيت انا وصديقه تمشكلت معاه وصارت مشكلة كبيرة كان يغلق على نفسه باب غرفته بالمفتاح مرة اجوا اصدقائه سمعته يقول عني مفصوم معاه انفصام زادت الشكوك عندي مرة اخر شيء لما جاء اخوي طلع من البيت بصراحة ما كنت اعرف اركب جمل على بعضهم كنت مرهق وجسمي احسه ثقيل وهلاوس اسمعها باذني بدون حتى سماعه زادت معي لامور حدا يكلمني
اسمع اصوات وانا بالغرفه يتكلمون عني اصدقاء اخوي هذا مفصوم وانا اقراء بالكتب واسمع محاضرات عشان ما بدي اكون مريض انقلبت حالتي وزادت اني ذكي مرة ذكي ومريض مريض بنفس اللحظة ينقلب مزاجي فجاءة من اصدقاء اخوي جاء عندنا وجلس عندي بالغرفة كان يدردش معي وونام بغرفتي مع انها صغيره المهم كنت صاحي الصبح اسمع لكلامها واحط ايدي على ذاني واضلني اسمع مسك برجلي عشان يشوفني متشنج وضلوا ماسك برجلي وبعدين جاء يصحيني كنت صاحي فعلا رجلي تالمت لما مسكني كانت متشنجة زادت حالتي لاكثر من هيك
صرت اسمعها في كل وقت توشوشني باذاني حبيبي انت وذاني تتحرك لوحدها احسها كنت مشدودة وترتخي المشكلة واحد ايضا كنت مروحين من العاصمة للمكان الساكنين فيه كان صديق اخوي اقنعني اني اروح على الاردن واكمل دراسة هناك اقنعني
انا بصراحة كنت بدي ارجع لاني رسبت بالجامعة وابوي اتصل فيي بحكيلي انه اشترى بيت من الفلوس الكان بدو يدرسني فيهم المهم مش هنا المشكلة
رجعت طلعت بالسيارة التكسي وكانت امي تستقبلني من المطار بقيت اسمع صوتها تقلي بحبك ولما شغل الراديو صاحب التكسي سمعت صوتها يعني زادت الحالة معي بطلت اعرف شو اعمل لا كمان ارتاح لصوتها وكلماتي اتغيرت واجلس نظري للسقف اهلي شكو بالموضوع بس ما حكيتلهم شيء
بعدها باسبوع رحتى على مستشفى الرشيد للامراض النفسية قلي انو بداية فصام واعطاني دوا ما بذكر اسمه طلعت جسمي هزلان كنت بدي ابكي بس مسكت نفسي وقتها لاني بالشارع طلعت بالتكسي سارح بالمرض اخذت الدوا وخفيت جدا بس بقيت مشاعري بالمرض خوف شديد جدا جدا لدرجة عالية
وشكوك بالناس لدرجة عالية جاء قرايب لي عندنا كنت لا ايراديا اطلع على السقف ما بعرف ليش وكلامي مش مرتب مع اني بطلت اسمع صوتها كلام ببينلك اني غريب الاطوار وصل الموضوع معي اني شكيت بان قرايبي جميعا بحكو عني مفصوم .جلست فترة طويلة واستمريت على العلاج
خفيت شوي بعد ما اشتغلت بعد فترة طويلة كنت لما اجلس على الكومبيوتر كانه احد يراقبني فهمتي طبعا وقتها كنت بوخذ بالعلاج وكنت واعي بس خلاص شيء في عمق تفكيري تعودت تعويد لما احد يشوفني مبين علي اني كاني احد يراقبني فهمتي علي كيف
المهم كان معي دورات بالمونتاج التلفزيوني اشتغلت بقناة بس عشان ما احد يفكرني مفصوم من جلستي وما اسمع صوتها كمان وما عرفت اشتغل على المونتاج نهائيا صاحب القناة حططني على الاتصالات ارد على هواتف البرامج كنت اسمع صوتها على التلفون بصراحة كنت ارتاح لصوتها ما بعرف ليش مع اني بنفس الوقت ما بدي اسمع صوتها يعني افهمك خايف وعارف انه مش حقيقة بس هذه اصوات وصوت برتاح اله كثير . فانا ارتحت لمكان الوظيفة شوي شوي خفيت كثير حتى صوتها خف كنت اوخذ العلاج بدون ما احد يعرف من اهلي وراجعت طبيب نفسي وقتها خبير في الطب النفسي وخلاني اجلس مع معالجة نفسية بطلبي وقتها فهمتها واصرت حكتلي خليك بعملك ما تترك حتى لو راتبك قليل لانو اذا تركت راح تنتكس بصراحة كلامها اثر علي وبقيت بعملي مع اني كانت الشكوك براسي كثيرة وهلاوس اسمعها في داخل راسي مثل مفصوم وغيره كلمة مفصوم واسمع صوتهم بالعمل يحكو عني مفصوم وانا مرة واحدة كنت واقف مكتف ايدي حاولت استرخي يعني ارخي جسمي صرت ارجف مع انو هذا المكان الوحيد كنت اشعر فيه بالامان تعودت عليهم . وشوي شوي خفيت كثير .
تركت القناة مرة ورحت على قناة ثانية اشتغل مهندس صوت براتب اعلى فجاءة في ذلك الوقت صابتني حالة شك رهيبة انو في شيء غريب بعد3 اشهر رجعت للقناة لانو حطني امين مستودع صاحب القناة الرحت عليهم احبطت كثير رجعت للقناة الكنت فيها رجعني مديري مهندس صوت
وبداء مرضي يزيد والشوكوك بالراسي تزيد لدرجة عالية جدا فكرت نفسي اني شيء مهم واني شيء مهم جدا لدرجة عالية وانو اسرائيل سممتني ومرة انو المخابرات اخذو بصمة عيني ومرة اني مراقب عبر الاقمار الصناعية لا امنت فيها كثير جلست سنين وانا مامن اني مراقب عبر الاقمار الصناعية
لماوصلت لهذه المرحلة الانا فيها يعني انا خفيت كثير يا اختي
انا بحكيلك تعرفي ليش عشان افضفضلك وارتاح . انا راح ااخف واطيب نهائيا من مرضي بس بدي شغله كيف انسى مرضي وخلاص واطيب نهائيا انا بدي شغله منك ....
صدقيني يا اختي انا راح اشفى من مرضى والله خاصه من الشكوك والذهان وكل الاوهام البراسي لاني مستعد اقاوم هاي الامراض بنفسي ان شاء الله راح اتخلص من مرضي واعيش طبيعي
يا اختي تحمليني والله انا راح امشي معاكي خطوة خطوة وراح التزم بالصلاة بشكل كامل وبالاذكار ان شاء الله
الله يجزيكي الخير يارب ويحفظك يارب