نفساني - عرض مشاركة واحدة - زواج السعوديه من غير السعودي ( الأجنبي ).

21-11-2016, 12:47 AM

اقتباس:

المشاركة الأصلية كتبت بواسطة ياسمينة البيضاء

السلام عليكم .. أخت سارة ج مارديتي عليي .. الله يرضى عليكي اكتبي الاجراءات من بداية التقديم عشان ابدأ في الموضوع صح وما اخبص ويكون عندي فكره ..
(الزوج اجنبي غير مقيم والعقد بإذن الله خارج المملكة)

أعذريني أخت ياسمينة انشغلت مع الأهل و نفسيتي كانت تعبانة من تعقيدات هذا الزواج.

?اما بالنسبة للإجراءات راح اذكرلك اللي صار معي.

طبعا انا الطرف السعودي و قدمت كل شي و الزوج مقيم خارج السعودية.

- اول شي جهزت الأوراق المطلوبة (المذكورة في موقع الإمارة). الأوراق الخاصة بالزوج فقط طلبوا صورة من جواز السفر و ورقة تعريف بالراتب أو الدخل.

- الوالد قدم الأوراق لشرطة و طلبوا حضوري لتوقيع بعض التعهدات ثم اعطوني ورقة عشان اسوي تحليل ما قبل الزواج ( كانت الورقة خاصة بزواج سعودية بغير سعودي غير مقيم)? تقريبا نتيجة التحليل طلعت بعد اسبوع.

-? نتيجة التحليل طلعت سليمة الحمدالله و ضفنها لملفي مع الاوراق المطلوبة.

- في المحافظة طلبوا حضوري مع ولي أمري و اثنين شهود لتوقيع على تعهدات. " طبعا يومها مع الشهود و لابسين ثياب و غتر راح يجيك شعور انك عروس و خلاص رايحة توقعي عقد الزواج :) بصراحة كان شعور حلوووووووووو بس للاسف غير مكتمل لأنك لسى بالبداية و المشوار طويييييل.

- بعد اكتمال جميع الاوراق المطلوبة و التوقيع على التعهدات تم ارسال المعاملة لإمارة مكة.
هنا راح يعطونك رقم للمراجعة. و كل ما صدرت معاملتك لجهة راح يعطوك رقم قيد جديد لمتابعة المعاملة.

- وصلت المعاملة للإمارة ثم أرسلت للداخلية. و لحد الان بالداخلية.

- المتوقع إن شاء الله ترسل للخارجية و الخارجية ترسلها للسفارة.

- من لما بدأت اقدم أوراقي في الدوائر الحكومية و المحافظة اخذت معي 21 يوم ثم صدرت لإمارة مكة.
و اخذت 13 يوم في الإمارة ثم صدرت للداخلية.
و لحد الان في الداخلية في قسم لجنة الزواج و لها شهرين و 20 يوم.

الله يسهل أمر زواجك و يجعله ميسر بإذن الله و يارب اكون ذكرت شي فيه فايدة لك و لغيرك. و أعذريني على التأخير.

مزون وليد معجب بهذا