|
معلمة لكن اعاني من الرهاب
السلام عليكم ورحمة الله وبركاته
انا شابه اعاني من الرهاب في مواقف معينة فقط
الحاله بدت معاي من عمري 15 سنه من كنت بالثانوي بدت تظهر الاعراض واكثر شي بالقراءة فكانت حصة المطالعه رعب بالنسبه لي لما تطلب مني المعلمه اقوم اقرا كنت ارتجف واعرق وارتبك وواضح جدا ودايم انحرج من زميلاتي بنظراتهم واحيان اسألتهم ليش ترجفين 😔
طبعا هالكلام صار له اكثر من عشر سنين خلصت الثانوي وكملت الجامعه انتساب لظروف وهالشي كان لصالحي فما تعرضت لأي مواجهه في مثل هالمواقف
وجات الطامه الكبرى لما توظفت بوظيفة معلمة
بالبدايه كنت ناسيه مشكلتي وباعتقادي انها خلاص ماراح تتكرر معي
الارتباك كان طبيعي في بداية عملي مع الطالبات اول شهر مشيت تمام واللي ساعدني ان الطالبات من ذوي الاحتياجات الخاصه
وتم تثبيتي بالوظيفه
مشكلتي مع الرهاب بدت تظهر لما صرت احضر الاجتماعات مع زميلاتي والمديره والمشرفه وكانت تطلب المشرفه من كل معلمه طرح فكره معينه حول موضوع معين
اول مره تكلمت ووجهي صار احمر والكل لاحظ وبديت ارجف ومو عارفه وش اقول
في هذي اللحظه تذكرت كل الخبرات السلبيه السابقه اللي مريت فيها من اكثر من عشر سنين وجاني احباط وقلق واكتئاب وحاله مايعلم فيها الا الله
حاولت اصبر نفسي اقول انا مو مجبوره اتكلم
وجا اجتماع ثاني ورفضت اتكلم فيه فعلا لكن النتيجه اني ظهرت بمظهر المعلمه اللا مباليه واللي ماتبغا تشتغل ونظرات من حولي بتعجب
فصار عندي الآن في عملي رهااااب شديد من الاجتماعات لاني اخاف يطلب مني اتكلم
موضوعي طويل حاولت اختصره قدر الامكان
علما بأني حاولت بالعلاج السلوكي حاولت اواجهه قريت كثير عن هالموضوع وسمعت جلسات للاسترخاء من اليوتيوب وسمعت عن ادويه تساعد في التغلب على هالحاله بس رحت الصيدلي وقال ماقدر اصرفها لك الا بوصفه طبيه وللاسف ماقدر ازور طبيب نفسي
علما بأني محافظه على صلواتي وقراءة القرآن
اتمنى القى الحل لمشكلتي اللي عانيت منها سنين طوال 💔
|